Jirimiạ 33:15 - সান্তালী বাইবেল

¹⁵ Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Jirimiạ 33:15 Referans Kwoze

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 45:4

Sạriyakʼ, mạ̃hir ar dhorom secʼ amakʼ ṭhonokte jitạuicʼ leka mohnḍakʼme; ar amakʼ jojom ti do botoranakʼkoe kạmima.

Jirimiạ 17:25

enḍekhan aperen rapajko do Dạudakʼ siṅghạsonre duṛupʼkate rajosṭiko calaoa. Onko do, akoren rajren kạmiyạko ar Jihudạren hoṛko ar Jerusalemren hoṛkoakʼ rãt gạḍi ar sadomre decʼkate nagraha reakʼ phaṭokteko bolo oḍokokʼa; ar nagraha do tishõ baṅ ujạṛokʼa.

Jirimiạ 30:9

Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’