Jirimiạ 33:14 - সান্তালী বাইবেল

¹⁴ Probhu Isore meneda, “Israel ar Jihudạren hoṛko ṭhen oka bhạlại reakʼ iń gokʼletʼ ona okteko do hijukʼkana ar iń do onań purạua.

Jirimiạ 33:14 Referans Kwoze

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

2 Korinthiko 1:20

uni do jao ghuṛigeye “Hẽ” kana. Isorakʼ sanam gokʼakʼko do Mạsi hotete “Hẽ” hoyakana. Onate Isorakʼ ṭhonok lạgitʼ Mạsi hotete abo do “Amen” bon roṛeda.

Jirimiạ 29:10

“Babel reaṅ eaegel bochor reakʼ okaṭakʼ katha roṛakan ona purạulen khan iń do apeń moneyapea; ar okaṭakʼ bhạlạipe reakʼ iń gokʼ akawatʼpe onań purạua, metakʼme noa ṭhạ̃iteń ạgu ruạṛpea.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

1 Patras 1:10

Okaṭakʼ bhor ńam reakʼ katha, ona babotre okoe nạbiko sedaereko roṛletʼ tahẽkan, onko do noa bańcaokʼ reaṅ baḍaejoṅ lạgitʼ ạḍi khoj tolasko hataoletʼgea arko kulikan tahẽkana.

Ibriko 11:40

ente Isor do abon lạgitʼ arhõ mońjakʼe ṭhik dohoakatʼ tahẽkana. Uni doe ṭhik doholeda je, abo begorte onko do ohoko sạbit utạr ocolena.

Luk 10:24

Ińiń metapekana, okakope ńeletʼkan, ona do ạḍi utạr nạbi ar rapajko ńeńelko menletʼre hõ bako ńelletʼa; ar okakope ańjometʼkan, ona ańjom sanaletʼkore hõ bako ańjomlakʼa.”

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jirimiạ 31:27

Probhu Isore meneda, “Okte hijukʼ kana one unre iń do Israelko ar Jihudạren hoṛko ar janwarko itạ lekań erkoa.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Jirimiạ 32:42

“Iń do noko hoṛko cetanre cetʼleka niạ maraṅ muhiniń ạguakatʼ onkage onko do ińakʼ gokʼakʼ sanamakʼ bhạlạiyiń danakoa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.