Jirimiạ 33:13 - সান্তালী বাইবেল

¹³ Usul ar copotʼ buru ṭoṭha reakʼ sanam ato ar nagrahakore, Benjạmin ṭoṭhakore, Jerusalem beṛhaete ar Jihudạ ar Negeb reakʼ sanam ato ar nagrahakore bhiḍi gukʼpiko do akoren bhiḍiko lekha lekhateko chaṛ sạ̃itạukoa. Iń Probhu Isorge noa katha doń meneda.”

Jirimiạ 33:13 Referans Kwoze

Levitikus 27:32

Gại ḍaṅgra ar bhiḍi meromko mod khon gel hạṭińre mitʼ hạṭiń, metakʼme gupikoakʼ ṭheṅga latarteko parom akan sanam gelko khon mitʼṭen do Probhu Isor ńutumte begar doho akanko kanako.

Luk 15:4

“Ape modre, mitʼ hoṛren mitʼ sae bhiḍiko tahentae. Ar onko modre mitʼṭene atʼlen khan, uni do cetʼ onko aregel are goṭen ṭạnḍire bạgi oṭowakote atʼakanicʼ cetʼ bae sendra baṛaea ạuriye ńame hạbicʼ?

Jirimiạ 17:26

Jihudạ reakʼ nagrahako ar Jerusalem beṛhaeteakʼ atoko khon Benjạmin reakʼ ṭoṭha khon ar usul copotʼ buru ṭoṭhako khon ar Negeb khon hoṛko hijukʼa ar Probhu Isorakʼ oṛakʼre jeredokʼ samaṅokʼakʼ, janwar samaṅokʼakʼ, anaj samaṅokʼakʼ, dhudhup ar suluk samaṅokʼakʼ reakʼ jinisko ạguiya.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Jirimiạ 32:44

Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”

Jeheskel 20:37

Ińakʼ ṭheṅga latarteń sen parom ocopea; ar ińakʼ bondobos reakʼ tonolreń aderpea.

Obodiạ 1:20

Bondi dosare tahen Israelko do hecʼkate Sarephat hạbicʼ Kananikoakʼ disạmko ạidạri joṅa; ar bondi dosare tahẽkan Jerusalemren hoṛ okoe do Sepharatre menakʼko onko do hecʼkate Negeb reakʼ atoko ạidạri joṅa.