Jirimiạ 33:10 - সান্তালী বাইবেল

^10-11 “Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Jirimiạ 33:10 Referans Kwoze

Jirimiạ 32:43

Okaṭakʼ disạm reakʼpe menetʼ tahẽkan, ‘noa do mitʼṭecʼ potit jomikana, noare manwa se janwar celege bạnukʼkoa, ente noa do Babelrenkoakʼ tire em ocoakana,’ ona disạmre jumi do arhõ kiriń ạkhrińokʼa.

Jeheskel 37:11

Ona tayom uni do ińe metadińạ, “E manwa hopon, noako jaṅ do hoyokʼkana sanam Israel jạtrenkoge. Onkoko meneda, ‘aleakʼ jaṅ do rohoṛ akantalea ar aleakʼ ashõ bạnukʼtalea; ale dole gocʼakana.’

Jirimiạ 32:36

“Ape do noa nagraha reaṅpe roṛeda, ‘lạṛhại, akal ar mahamạri hotete noa do Babel rajakʼ tire emakana,’ menkhan iń Israelren Probhu Isorgeń meneda,

Levitikus 26:32

Apeakʼ disạm do nonkań jarkhara ona ńelte aperen bạiriko hõ botorteko keklesedokʼa.

Jirimiạ 26:9

Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Hagae 1:4

“Noa do cetʼ ṭhik hoyokʼkana, ape do noksa akatʼ oṛakʼrepe tahenkana ar ińakʼ oṛakʼ do dhaṅdhaserakʼ hoyakantińạ?

Sereńko 85:7

E Probhu Isor, amakʼ asambheṛ daya baṛe udukʼaleme ar ale bańcaoleme.

Sereńko 147:13

Uni do amakʼ phaṭok duạrkoe horhoyetʼtama, ar amre girobasokʼkan hoṛkoe bhorako kana.