Jirimiạ 32:37 - সান্তালী বাইবেল

³⁷ ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jirimiạ 32:37 Referans Kwoze

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jeheskel 11:17

“Onate am do onkom metakoa, Probhu Isore menetʼkana, boṅgan hoṛ jạtrenko tala khon ińgeń jarwa mitʼkoa; ar okako disạmreko chirchạtur akan onḍe khoniń ruạṛ ạgukoa ar Israel disạm do arhõ onkogeń ruạṛkatakoa.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Sereńko 106:47

E Probhu, aleren Isor, ale rukhiyạleme baṛe; ar eṭakʼ jạtrenko tala khon mitʼ ṭhạ̃ire ạguleme, jemon amakʼ sonot ńutumle gun manao johar daṛeakʼ ar amle sarhao daṛeamtele sabasi daṛeakʼ.

Sakariạ 14:11

Onḍe do hoṛko girobasokʼa; ar Jerusalem do tishõ jarkharokʼ leka sarapakʼ do baṅ hoyokʼa. Ona do khạtirjoma akae tahena.

Hosea 1:11

Jihudạ ar Israelren hoṛko do arhõko midokʼa ar ako cetanre mitʼṭen mukhiyạko dohoyea. Ona laha oka disạmre bondi akanko tahẽkan onḍe khon onko doko calaojoṅa, ente Jisreyelakʼ ona din do maraṅge hoyokʼa.

Jirimiạ 23:8

bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

Sephaniạ 3:20

E Jerusalemren hoṛko, ona jokhecʼ iń do apeń ạgu jarwapea. Ar lahate leka tinreń ruạṛkatapea unre dhạrtiren sanam jạtrenko talare ape do manot ar ṭhonokan hoṛiń hoyocopea, ar onape ńela. Iń Probhu Isorge noa katha doń meneda.”

Joel 3:20

Lahate noko do dusi menteń lekhaletʼkoa, menkhan ńitokʼ do onkoakʼ doskoń ikạkatakoa. Ar hoṛko do Jihudạre jaejugko girobasokʼa ar Jerusalemre do piṛhike piṛhi hạbicʼge, ar iń Probhu Isorge Sionreń tahena.”

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jirimiạ 16:14

Probhu Isore meneda, “Nonkan dinko hijukʼkana unre hoṛko do ar bako mena, ‘Misor disạm khon okoe do Israelkoe oḍok ạguletʼko, uni jiwetʼ Probhu Isor ńutumteń kiriạkʼkana,’

Jirimiạ 16:15

bickomko mena, ‘utạr disạm ar eṭakʼ disạmkore okoe do Israelkoe sạṅgińletʼko ar onḍe khone oḍok ạguakatʼko uni jiwetʼ Probhu Isor ńutumtele kiriạkʼ kana.’ Onko do ona kathako mena, ente onkoren hapṛamko okaṭakʼ disạmiń udukʼatʼko tahẽkan ona disạmtegeń ruạṛ ạgukoa.

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Jeheskel 28:25

“Eṭakʼ jạtrenko talare chirchạtur akan Israelko tinreń jarwakoa unre jạt jạtrenkoakʼ mẽtʼãhã samaṅre onko talare ińakʼ sonottetʼ iń sodora. Unre onko do akoakʼ ona disạmreko girobasokʼa one okaṭakʼ disạm do ińren guti Jakob iń emade tahẽkan.

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jeheskel 20:34

Ińakʼ daṛeanakʼ ti tiyạrkate ar ińakʼ edre dul hotete aema jạtrenko tala khoniń ạgupea ar okako disạmrepe pasnao ocolen onḍe khon arhoń jarwapea.

Jeheskel 28:26

Onḍe onko do oṛakʼ-duạrko benaojoṅa ar nirạiteko girobasokʼa ar darkha bagwanko benaojoṅa. Ar onkoren landa dhudutʼkan jạtrenko tinreń sạjạikoa unre onko do nirạiteko girobasokʼa. Onate onko doko baḍae daṛeakʼa, ińkangeạń onkoren Probhu Isor do.”