Jirimiạ 32:35 - সান্তালী বাইবেল

³⁵ Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jirimiạ 32:35 Referans Kwoze

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

1 Rapajko 16:19

Acʼakʼ kại iạtege uni doe gocʼena, ente Probhu Isorakʼ mẽtʼre oka bạṛicʼakʼ kan onageye kạmikan tahẽkana. Uni do Jerobiam lekae senokʼkan tahẽkana, metakʼme Jerobiam Israelko cetʼ lekae kại ocoyetʼko tahẽkan uni hõ onkageye kạmikeda.

Jeheskel 23:37

Unkin dokin laṭghaṭ akada ar ti do mãyãmtekin thoko boko akatʼtạkina. Boṅga murhutʼkin sewawako kante unkin dokin laṭghaṭ akada; ar iń lạgitʼkin janam akatʼko hopon ar hoponerako do boṅga murhutʼkoren jomakʼ lekate seṅgelrekin samaṅ akatʼkoa.

Jesaea 57:5

Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.

2 Bõsbudạ 33:9

Manase do Jihudạ ar Jerusalemren hoṛko bạṛicʼ horteye ạyurketʼkoa; ona iạte Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼ kạmiko ehopʼena.

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.

2 Rapajko 21:11

“Jihudạren raj Manase do niạko bạṛicʼakʼe kại akada. Uni lahate okoe Amorikoko tahẽkan uni do onko khonhõ artetʼ bạṛicʼe kạmi akada ar acʼren boṅga murhutʼko hotete Jihudạ do kại secʼe ạyur idiakadea.

2 Rapajko 3:3

Ar Nabatren hopon Jerobiam Israelko cetʼ lekae kại ocoletʼko onkage Jehoram hõe kạmikeda. Ar ona khon do bae ruạṛlena.

1 Rapajko 21:22

Amren bõsko do Nabatren hopon Jerobiam ar Ahiạren hopon Basakʼ bõsren lekań hoyocoytakoa, ente am do ińakʼ pitem caṛhao ocoakatʼtińạ ar Israelkom kại ocoakatʼkoa.

1 Rapajko 15:30

Niạ reakʼ karon do hoyena, Jerobiam do apnartetʼe kạileda ar Israelko hõe kại ocoletʼkoa ar onae onkaketʼte uni do Israelkoren Isorakʼ pite caṛhao ocoketʼtaea.

1 Rapajko 15:26

Ar Probhu Isorakʼ mẽtʼre okaṭakʼ bạṛicʼakʼ kan onage uni doe kạmikan tahẽkana. Uni do acʼren apat lekae calakʼkan tahẽkana, metakʼme acʼren apat Israelko cetʼ lekae kại ocoletʼko onkage uni hõe kạmikeda.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

Dosar Biboron 24:4

enḍekhan uniren pạhilicʼ jãwãe, one okoeye bạgilede uni do ar bae bapla daṛeaea, ente uni doe besaphagea. Ar nonkanakʼ bapla Probhu Isor doe hirkhạwakʼa. Sompotti lekate okaṭakʼ disạm aperen Probhu Isore emape lạgidokʼkan ona disạm cetanre kại alope paṛao ocoya.

Dosar Biboron 18:10

Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Aposkạmi 7:43

Ona do baṅa, bickom sewawakʼ lạgitʼ oka muṭhạnpe benaoletʼ tahẽkan uni Molok boṅga reakʼ muṭhạn ar Rophan boṅgaren ipilge ape dope gokʼ idiledea. Onatege iń do Babel disạm hanasate bondi ocokateń kolpea.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jirimiạ 19:2

Ona tayom kelhatʼ phaṭok reakʼ bolokʼ hor ṭhen Bin-hinom reakʼ buru nalate calakʼme. Ar okaṭakʼ kathań lạiyam onḍe senkate ona jạhirme.

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.