Jirimiạ 32:24 - সান্তালী বাইবেল

²⁴ Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jirimiạ 32:24 Referans Kwoze

Jirimiạ 33:4

Babelrenko sãote lạṛhại jokhecʼ pạcri sãote benao akatʼ pinḍhạ ar tarwaṛe khon rukhiyạkʼ lạgitʼ noa nagraha reakʼ okako oṛakʼ-duạr ar Jihudạ reakʼ raj dolanko rạputʼ hoylen onako do onko hoṛkoakʼ mạ̃ṛĩkote perejokʼa one okoe do ińakʼ edre ar raṅgao iạteń gocʼko. Onkoakʼ sanam dusṭami iạte niạ nagraha secʼ khon ińakʼ mẽtʼãhãń doń betʼakatʼtińạ. Ar iń Israelren Probhu Isorge noa katha doń meneda.

Jirimiạ 32:36

“Ape do noa nagraha reaṅpe roṛeda, ‘lạṛhại, akal ar mahamạri hotete noa do Babel rajakʼ tire emakana,’ menkhan iń Israelren Probhu Isorgeń meneda,

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Jirimiạ 32:3

ente Jihudạ raj Sedekiạ do noa katha menteye bondi ocoledea, “Am do noa katham nạbi akada, Probhu Isore meneda, ‘noa nagraha do Babel rajakʼ tireń soprota ar uni do noae hata.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Jirimiạ 52:6

Ar ponakʼ cando reakʼ areakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Jirimiạ 32:25

menkhan E Probhu Isor, Babelrenkoakʼ tire nagraha hatlenre hõ am dom metadiń tahẽkana, iń do jemon rupạte jumiyiń kiriń ar onaren gohakoń dohoko.’ ”

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

2 Samuel 20:15

Ona tayom Joab sãote sanam lạṛhại phạdko do hecʼkate Abel-Betmakako gheraokeda. Onko do nagraha bahre pạcri sãote mitʼṭecʼ daṛaṅ pinḍhạko upʼ rakapʼkeda. Ar ona tayom tinre bhitri reakʼ pạcri rạputʼko ehopʼena unre mitʼṭecʼ budan maejiu do nagraha bhitri khon ãṭ aṛaṅte hohowateye menkeda, “Ańjompe, ańjompe, Joab nonḍe hijukʼ metaepe jemon uni tulucʼ iń galmarao daṛeakʼ.”

Jesaea 37:33

“Ona iạte Probhu Isor do Ạsurren raj reaṅ niạ kathae meneda, ‘Uni do niạ nagrahate bae bolokʼa se nonḍe do mitʼṭecʼ sar hõ bae aṛaga. Ar ḍhalante niạ samaṅte hõ bae hijukʼa se gherao esetʼkate dejokʼ ar pheḍokʼ lạgitʼ jãhãnakʼge bae benaojoṅa.

Jirimiạ 6:6

Phạdkoren Probhu Isor do noa kathae meneda, “Dareko makʼ bhindạṛpe ar Jerusalem upạrte ghekʼrao pinḍhạ benaope. Niạ nagraha do sạjạite hõ sạjạiyokʼgea; ona do jor-julumte perecʼ akana.

Jirimiạ 20:5

Iń do noa nagraha reakʼ sanam dhon-durib, metakʼme onkoakʼ khet baṛge reakʼ anajko ar sanam damanakʼ jinisko ar Jihudạ rapajkoakʼ sanam murạiko onkoren bạirikoakʼ tireń soprota. Onko do ona luṭkate Babelteko idiya.

Jirimiạ 29:17

“Iń phạdkoren Probhu Isor do onko upạrte lạṛhại, akal ar mahamạriń kola ar onko do hirkhạwakʼ loa lekań hoyocokoa one ona do bạṛicʼ iạte celege bako jom daṛeakʼ.

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 32:5

Babelren raj do Sedekiại idiyea ar tin hạbicʼ uni secʼ bạń beṅged unhạbicʼ uni do onḍegeye tahena. Ona iạte Babelrenko tulucʼpe lạṛhạilenre hõ ape do bape jitạu daṛeakʼa.’ ”

Jirimiạ 32:28

Onate noa nagraha do Babelrenko ar onkoren raj Nebukadnesarakʼ tireń soprota. Uni do noae hatjoṅa.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 52:4

Ona iạte uniyakʼ rajokʼ areakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Onko do nagraha bahrereko ḍerayena ar nagraha beṛhaete pinḍhạkoe benaokeda.

Jeheskel 26:8

Uni do lạṛhạikate amakʼ atokoe marao giḍikakʼa. Uni do am upạrte mitʼṭecʼ usul pinḍhại upʼ rakaba ar amakʼ pạcri bhit sãote bhiṛạu akatʼ mitʼṭecʼ daṛaṅ pinḍhại benaoa; ar apnar rukhiyạkʼ lạgitʼ ḍhalko reakʼ chate teṅgoea.

Habakkuk 1:10

Onko do rapajkoko siṛog akokana ar subedarko doko landa dhutʼako kana. Gaṛ ńelteko landa joṅkana; ar pạcrite decʼ paromokʼ lạgitʼ dhiri reakʼ ḍhipiko benaoeda ar gaṛkoko dokholeda.

Jeheskel 4:2

Ona beṛhaete nonka gherao esetʼakʼ dohoyme; ona upạrte mitʼṭecʼ usul pạcri benaome ar beṛhaete mitʼṭecʼ pinḍhạ upʼ rakabme, ar nagraha upạrte lạṛhại phạdkoakʼ ḍera benaome ar ona beṛhaete pạcri rạpud reakʼ jontroko bạisạume.

Jeheskel 21:27

Dhaṅdhaser, dhaṅdhaser! Iń do noa jotogeń dhaṅdhasera! Ar sạriyakʼ reakʼ ạidạri okoeyakʼ menakʼtae uni ạuriye ruạṛ hijukʼ hạbicʼ noako do ar baṅ tahena. Iń do unige noakoń emaea.