Jirimiạ 32:20 - সান্তালী বাইবেল

²⁰ Am do Misor disạmre aema cinhạkom udukʼ akatʼa ar hahaṛawakʼkom kạmileda ar teheń hõ Israel ar sanam manwako talare onakom kạmikana, onate amakʼ ńutum do pasnao idikʼkantama.

Jirimiạ 32:20 Referans Kwoze

Nehemiạ 9:10

Amge Pharao ar uniren sanam kạmiyạko ar uniyakʼ disạmren sanam hoṛko ạḍi utạr cinhạ ar hahaṛa kạmikom udukʼatʼkoa, ente am dom baḍaekan tahẽkana aleren hapṛamko tulucʼ Misrikoakʼ beohar do bạḍạite perecʼ tahẽkana. Ar niạko kạmite am do amakʼ ńutumem rukhiyạleda, ona do teheń hạbicʼ hõ menakʼgea.

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Daniel 9:15

“E aleren Probhu Isor, amakʼ daṛeanakʼ tite amren hoṛko Misor disom khonem oḍok ạguletʼkoa ar amakʼ ńutum do maraṅlentama, ar teheń hạbicʼ hõ ona menakʼa. Ale dole kại akada ar bạṛicʼakʼle kạmi akada.

Sereńko 135:9

E Misor, uni do am talare Pharao ar uniren kạmiyạko birudre acʼakʼ cinhạ ar hahaṛa kạmikoe kạmileda.

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

1 Bõsbudạ 17:21

Amren Israel jạtrenko leka dhạrtire do ar jãhãn jạtrenkoge bạnukʼkoa, one okoe do amren hoṛko hoyokʼ lạgitʼem chaḍao akatʼko. Am do Misor disạm khon eṭakʼ jạtrenkom sạṅgiń akatʼkoa. Amakʼ ṭhonok sodorokʼ lạgitʼ maraṅ ar botoranakʼ kạmikote am do onam onka akada.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Dosar Biboron 6:22

Probhu Isor do aboakʼ mẽtʼ samaṅre Pharao ar uniyakʼ oṛakʼren sanamko cetanre ar Misor disạm cetanre maraṅ ar botoranakʼ cinhạko ar hahaṛa kạmikoe kạmileda.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Jesaea 63:14

Probhu Isorren Jiu do buru nalateko pheḍ hijukʼkan ạsul janwarko lekageye jirạu ocoketʼkoa. Uniyakʼ ṭhonokanakʼ ńutum bạisạutae lạgitʼ uni do acʼren hoṛkoe ạyurletʼkoa.”

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Dosar Biboron 11:3

Misor talare Misorren raj Pharao ar uniyakʼ goṭa disạm cetanre uni okako cinhạ kạmiye kạmiletʼ ar eṭakʼakʼkoe cekaletʼ onako hõ bako ńelakada.

Nehemiạ 9:11

Amge onko samaṅre jalapurim bar hạṭiń ocoleda, onate kuṭhạ̃ṛgeko paromlena; menkhan okoe onkoko khudạuletʼko onko do athantar dakʼre dhiri giḍikakʼ lekam khadlekatʼkoa.

Daniel 6:28

Nonkate Darjawes ar Parasren raj Koresakʼ rajokʼ oktere Daniel do pạtiạr ar manote ńam idikeda.