Jirimiạ 32:19 - সান্তালী বাইবেল

¹⁹ amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Jirimiạ 32:19 Referans Kwoze

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Jesaea 28:29

Niạko ạkil do phạdkoren Probhu ṭhen khonge hijukʼa. Uniyakʼ sopolha do hahaṛagea ar uniyakʼ ạkil do sorosgea.

Sereńko 62:12

E Probhu, amre do asambheṛ dulạṛ menakʼa; ar am do mimitʼko akoakʼ kạmi lekage kuṛạiyem emakokana.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Jobakʼ 34:21

“Isorakʼ mẽtʼ do hoṛakʼ horkorege menakʼtaea; onkoakʼ mimitʼ taṛamko uni doe ńeletʼtakoa.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan 5:29

Okoe bhageakʼko kạmi akatʼ onko do jion ńam lạgitʼko beredokʼa, ar okoe bạṛicʼakʼ kạmikote okteko khemao akatʼ onko do sạjạiyokʼ lạgitʼgeko beredokʼa.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Jesaea 40:13

Probhu Isorren jiu do okoeye calao akadea ar uniren sosolhayicʼ lekate do okoeye solha akadea?

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Kạhtukko 5:21

Manwakoakʼ dãṛãn do Probhu Isorakʼ mẽtʼãhã samaṅre menakʼa; onkoakʼ sanam horko uni doe tạnkhiyeda.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Sereńko 34:15

Dhorom reakʼ horte okoeko calakʼkan onkore do Probhu Isorakʼ mẽtʼãhã menakʼa; onkoakʼ koejoṅ ańjom lạgitʼ uniyakʼ lutur do jhicʼge menakʼtaea.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

1 Rapajko 8:32

enḍekhan serma khon uniyakʼ katha ańjomtaeme ar ona leka kạmime. Unre amren gutim bicạrete dos akatʼ reakʼ kuṛại uniyakʼ bohokʼrem ladeaete dusi mentem sạbudea ar eṭakʼicʼ hõ uniyakʼ kạmi leka kuṛạiyem emaea ar bin dusi kanae mentem sạbudea.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Jobakʼ 34:11

Manwa do acʼakʼ kạmi lekageye halawaea; ar acʼakʼ colon lekage kuṛạiye emakataea.

Kạhtukko 8:14

Solha ar sạri bidiạ do ińrege; buj do ińge, jor hõ ińge.

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Sereńko 111:2

Probhu Isorakʼ sanam kạmiko do bhagegea; okoe onateko rạskạkʼkan onko do onako reaṅgeko ganḍonokʼ kana.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Jirimiạ 25:14

Babelrenko do aema jạtrenko ar maraṅ maraṅ rajkoren golamko hoyokʼa; onkoakʼ kạmiko lekatege iń do kuṛạiyiń emakoa.’ ”

Sakariạ 9:1

Hadrak ar Damesek upạrte Probhu Isorakʼ oka katha sodorlen ona do purạukʼa. Israel gusṭirenko ar eṭakʼ sanam manwakoakʼ mẽtʼ do Probhu Isorrege menakʼa.