Biblia Todo Logo
Bib sou entènèt

- Piblisite -




Jirimiạ 31:7 - সান্তালী বাইবেল

7 Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Gade chapit la Kopi




Jirimiạ 31:7
37 Referans Kwoze  

Jihudạ gusṭiren okoeko hoṛ do unhạbicʼ jiwetʼko tahen onko do ar mitʼ dhaoko jo bahakʼa. Dare leka onko do latar secʼko rehedokʼa ar cetan secʼ doko jo bahakʼa.


E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.


Israelkoakʼ babańcao do Sion khonge hijukʼa; Probhu Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa, ar Israelko hõko kusikʼa.


Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.


Isor do onkage ńit hõ Israelkoe daya akokanteye bachao doho akatʼkoa.


Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.


Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.


Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”


Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.


Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.


Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”


“ ‘Tobe thoṛa hoṛ do jiwetʼ iń dohokoa; aperen paskaokʼko do tinre eṭakʼ eṭakʼ disạm ar jạtrenko talareko chirchạturokʼa unre onko hoṛ do gujukʼ reakʼ ti khon rukhiyạko ńama.


Boṅgan hoṛ jạtrenko talare onkoren bõsko ar hoṛko talare onkoren hoponko doko ńum ńamokʼa. Ar okoe onkoko ńelko onko jotogeko bujhạu daṛeakʼa, onko jạtrenko do Probhu Isore bhor akatʼkoa mente.”


E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.


Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”


Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.


Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.


E Probhu, aleren Isor, ale rukhiyạleme baṛe; ar eṭakʼ jạtrenko tala khon mitʼ ṭhạ̃ire ạguleme, jemon amakʼ sonot ńutumle gun manao johar daṛeakʼ ar amle sarhao daṛeamtele sabasi daṛeakʼ.


Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.


E Isor, dayawaleme ar bhoraleme baṛe; amakʼ daya do marsal leka alere paṛaokʼma; (Sela)


E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.


Probhu Isorgeye nonkae hoeocoya jemon sanamko khonpe usulokʼ, metakʼme jaṅga latarre do bae dohopea. Aperen Probhu Isorakʼ okako hukum teheńiń emapekan onakope luturakʼ khan ar joton salakʼpe manao arpe ganao, enḍekhan jaogepe usulokʼa, ar bape jaṅga latar ocokʼa.


Sạrige buru boṭkocʼ khon goṛowakʼ do eṛeteakʼ chaḍa ar cetʼge baṅkana. Sạrige aleren Probhu Isorrege Israelkoakʼ bańcaokʼ do menakʼa.


Ape do Probhu Isor ńutumte sereńpe. Probhu Isorge õṛhẽyepe. Uni do dusṭạmi hoṛkoakʼ ti khon reṅgecʼ orecʼkoakʼ jiwiye rukhiyạyetʼtakoa.


Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.


Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.


Unre aboakʼ mẽtʼãha do rạskạte perecʼena, ar alaṅ do hulạskote. Unre eṭakʼ jạtren hoṛko roṛetʼ tahẽkana, “Probhu Isorge onko lạgitʼ aema bhageakʼe kạmi akada.”


Ańjomme, amren pahradarko doko andoṛetʼkana, onko do rạskạte mitʼ domteko sereńeda, ente Probhu Isor do tinre Sionteye ruạṛ hijukʼa unre onko do akoakʼ mẽtʼte onako ńela.


Swiv nou:

Piblisite


Piblisite