Jirimiạ 31:40 - সান্তালী বাইবেল

⁴⁰ Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

Jirimiạ 31:40 Referans Kwoze

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

2 Samuel 15:23

Dạudren hoṛko tinreko calakʼkan tahẽkana unre disạmren sanam hoṛko do ãṭ aṛaṅte rarakʼko ehopʼena. Raj ar uniren sanam hoṛ do Kedron lodamko paromketʼte hahaṅkar secʼko laha idiyena.

Johan 18:1

Ado noakoe roṛ sạtketʼ khan Jisu do acʼren celako sãote kedronko metakʼ mitʼṭecʼ nala hanasae parom calaoena. Onḍe do mitʼṭecʼ bagwan tahẽkana. Jisu ar acʼren celako do ona bagwanteko oḍok calaoena.

2 Bõsbudạ 23:15

Onate onko do Athaliạko sapʼkedea ar raj oṛakʼ reakʼ sadom duạrte bolokʼ horre idikateko gocʼkedea.

2 Rapajko 11:16

Onate Athaliạ doe sapʼ ocoyena ar raj oṛakʼ reakʼ racare sadomkoakʼ bolokʼ horre idikateko gocʼkedea.

Sakariạ 14:20

Enhilokʼ “Probhu Isor ńutumte sonotokʼ ” niạ katha do sadomakʼ hoṭokʼ reakʼ ghạnṭi cetanre rokʼ akae tahena ar Probhu Isorakʼ oṛakʼ reakʼ isinakʼ reakʼ bhajanko do pinḍ samaṅ reakʼ bạṭiko leka sonotakʼ hoyokʼa.

Nehemiạ 3:28

Sadom duạr samaṅ reakʼ hĩs do naekekoko jut arokeda. Onko mimitʼko do apan ạpin oṛakʼ sor reakʼ pạcriko jut arokeda.

2 Rapajko 23:12

Raj oṛakʼ reakʼ chatre Ahas rajakʼ kandha ṭhen Jihudạren rapajko okako pinḍko benaoletʼ ar Probhu Isorakʼ oṛakʼ reakʼ banar racare Manase okako pinḍe benaoletʼ Josiạ do onako hõe rạputʼ gejerketʼte Kedron soḍokʼreye giḍikada.

2 Rapajko 23:6

Uni do Probhu Isorakʼ oṛakʼ khon Asera muṭhạn hataokate Jerusalem bahre Kedron soḍokʼte idikate onakoe atar giḍikada. Ona tayom onako gunḍạkate ona reakʼ dhuṛi do hoṛkoakʼ topa cetanreye chiṭiạukada.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Jeheskel 37:2

Uni do onako reakʼ beṛhaeteye idikedińa. Ar ona buru-nala reakʼ otetre aema jaṅkoń ńelkeda; onako do rohoṛge tahẽkana.

Jirimiạ 32:36

“Ape do noa nagraha reaṅpe roṛeda, ‘lạṛhại, akal ar mahamạri hotete noa do Babel rajakʼ tire emakana,’ menkhan iń Israelren Probhu Isorgeń meneda,

Jirimiạ 18:7

Jãhãtis jãhã jạtrenko se jãhã rajosṭirenko rehetʼ sudhạń totʼ giḍikako, ariń rạputʼ giḍikako se marao giḍikako reakʼ iń lại sodor lekhan ar onko jạtrenko ona sontor katha ańjomkate bạṛicʼ khonko ruạṛokʼ, enḍekhan oka muhin ạgui reakʼ iń goṭaletʼ ona do ar bạń paṛao ocoya.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Sereńko 48:9

E Isor, amakʼ oṛakʼrege amakʼ asambheṛ dulạṛ reakʼ kathagele ganḍonjoṅ kana.

Sakariạ 14:11

Onḍe do hoṛko girobasokʼa; ar Jerusalem do tishõ jarkharokʼ leka sarapakʼ do baṅ hoyokʼa. Ona do khạtirjoma akae tahena.