Jirimiạ 31:32 - সান্তালী বাইবেল

³² Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jirimiạ 31:32 Referans Kwoze

Dosar Biboron 5:3

Ona bondobos do aboren hapṛamko ṭhen bae emlena, menkhan abo ṭhen, metakʼme teheń okoe do nonḍe jiwetʼ menakʼbon abo sanamko ṭhenge.

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Levitikus 26:15

ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Ibriko 8:9

Misor disạm khon onkoren hapṛamko ti sapʼkateń oḍok ạguko jokhecʼ onko lạgitʼ oka bondobos iń doholetʼ tahẽkan, ona leka noa nãwã bondobos do baṅ hoyokʼa. Ińakʼ ona bondobos leka bako calaolente onko secʼ do bạń beṅgetʼ ruạṛeda.” Probhu Isor do noa kathae meneda.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Mark 8:23

Jisu do uni kãṛã hoṛ tire sapʼkate ato bahreteye oḍok idikedea. Ar ona tayom mẽtʼreye thoadea ar capokedeteye kulikedea, “Jãhãnakʼem ńel ńameda?”

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Jeheskel 23:4

Unkin modre maraṅicʼakʼ ńutum do Ohola ar bokot kuṛiyakʼ ńutum do Oholiba. Unkin do ińrenkin hoyena ar koṛa hopon ar kuṛi hoponkin janamketʼkoa. Ohola do Samariại hoyena ar Oholiba do Jerusalemge.

Jeheskel 20:37

Ińakʼ ṭheṅga latarteń sen parom ocopea; ar ińakʼ bondobos reakʼ tonolreń aderpea.

Jirimiạ 34:14

‘jãhãe Ibri boeha acʼte ape ṭhene ạkhriń akan khan enḍekhan eaeakʼ bochorre uni do aṛakʼkae hoyokʼtapea. Uni do turui bochor ape ṭhen golame khaṭaokʼa ar ona tayom do aṛakʼkae hoyokʼa.’ Menkhan aperen hapṛamko do ińakʼ katha bako ańjomleda, ar ińakʼ katha mone hõ bako moneyada.

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

Jirimiạ 22:9

Unre onkoko roṛ ruạṛa, ‘ona reakʼ karon do hoyokʼkana onko do Probhu Isorakʼ bondobosko bạgi akada ar debotakoko sewawako kan tahẽkana.’ ”

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Soros sereń 8:5

Acʼren dulạṛiạreye ṭenḍar akan uni hahaṅkar secʼ khon rakapʼ hijukʼicʼ doe okoekana? Apel dare latarreń ebhenketʼmea; amren eṅgam do onḍege bedon rakapʼadete ame janamketʼmea.

Sereńko 73:23

Enhõ iń do jao ghuṛi am sãorege minạńa; amge ińakʼ jojom tiyem sapʼ akatʼtińạ.

1 Rapajko 8:9

Israelko Misor disạm khonko oḍok hecʼen tayom Horeb burure Probhu Isor do onko lạgitʼ tinre bondobose bandhaokeda unre Mose okakin dhiri cạkti sindukreye doholetʼ ona chaḍa ar cetʼge onare do ar baṅ tahẽkana.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Dosar Biboron 29:1

Probhu Isor do Horeb burure Mose hotete Israelko lạgitʼ mitʼṭecʼ bondobose doholeda, noako do ona bondobos reakʼ katha kana okaṭakʼ do Moab disạmre Mose Israelko lạgitʼ bondobos bandhao lạgitʼe metade tahẽkana.

Dosar Biboron 29:21

Uni do Israelren sanam gusṭiko tala khon bin bhạlại lạgitʼ unigeye bachaoea, ar noa ạn-ạri puthire olakan bondobosre okako sarapanakʼ katha roṛakan ona lekage unireye paṛao ocoya.

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Jirimiạ 34:13

“Iń Israelren Probhu Isoriń meneda, aperen hapṛamko tinre Misor disạm khon, golam oṛakʼ khoniń oḍok ạguletʼkoa unre onko do noa bondobos lekateń metatʼko tahẽkana,

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Dosar Biboron 29:24

Ona ńelte eṭakʼ sanam jạtren hoṛko mena, ‘Probhu Isor do cedakʼ noa disạm doe nonka akada? Cedakʼ uniyakʼ noa jaljalao edre do?’

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Sereńko 78:37

Onkoakʼ ontor do unire uricʼ baṅ tahẽkana; ar uniyakʼ bondobosre onko do pạtiạr bako tahẽkana.

Aposkạmi 23:19

Maraṅ subedar do tire sapʼkate mitʼ secʼe idikedeteye metadea, “Cetʼ mitạńem meneda?”