Jirimiạ 31:25 - সান্তালী বাইবেল

²⁵ Iń do laṅga akankoń cerṭha ocokoa ar nacarkoakʼ ontor doń daṛe ocoytakoa.”

Jirimiạ 31:25 Referans Kwoze

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Sereńko 107:9

Okoeyakʼ ontorre tetaṅ menakʼ uni doe ṭanḍha ocokedea, ar okoeyakʼ ontorre reṅgecʼ menakʼ onko do bhage bhage jiniskoteye tirpit ocoketʼkoa.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

2 Korinthiko 7:6

Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 40:29

Uni do laṅga akankoe daṛe ocoyetʼkoa ar nijorko do jore emako kana.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jeheskel 34:14

Onko do bhage bhage ạtiń ṭạnḍireń gupikoa ar Israel reakʼ usul burukore onkoakʼ ạtiń ṭhạ̃i do hoyokʼa. Onko do bhage ṭhạ̃iregeko tahena ar onḍe Israelakʼ burukore bhage ạtiń ṭạnḍireko ạtiń baṛaea.

Sereńko 23:3

Uni do nãwã daṛeye emạń kana; ar acʼakʼ ńutum iạte dhorom horteye sotokʼ idiyedeń kana.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.