Jirimiạ 31:2 - সান্তালী বাইবেল

² Probhu Isor do arhõe meneda, “Israelko jirạu ńam lạgitʼko calakʼkan tahẽkanre tinạkʼ do tarwaṛe khonko paskaolen onko do hahaṅkarre ińakʼ dayako ńamleda.”

Jirimiạ 31:2 Referans Kwoze

Sereńko 95:11

Ona iạte iń do edreteń kiriạlena, ‘onko do ińakʼ jirạukʼ jaegate baṅgeko bolo ńama.’ ”

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Dosar Biboron 1:33

Unige coṅ ḍera ṭhạ̃i ṭhik lạgitʼ ar hor udukʼ idiape lạgitʼ ńindạ do seṅgel khunṭire ar siń do rimil khunṭire tahẽkate apeye ạyur idiyetʼpe tahẽkana.

Sereńko 78:52

Noa tayom acʼren hoṛko do bhiḍi lekae oḍok ạguketʼkoa, ar hahaṅkar talate bhiḍi pal leka uni doe ạyurketʼkoa.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Numeri 14:20

Unre Probhu Isore menkeda, “Amakʼ katha lekage onkoakʼ kạiyiń ikạkatʼtakoa.

Exodus 33:14

Probhu Isore roṛ ruạṛketʼa, “Ińge am sãoteń calakʼa ar amiń jirạu ocomea.”

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 1:16

“Gidrạ janamko oktere Ibri maejiuko goṛowako jokhecʼ ben ńelkoa onko do koṛa hopon se kuṛi hoponko janametʼkoa; ar koṛa hoponko hoylen khan onko doben gocʼkoa ar kuṛi hopon do jiwetʼ ben dohokoa.”

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Josuạ 1:13

“Probhu Isor do apeye jirạu ocoakatʼpea ar noa disạm hõ apeye emakatʼpea.’

Hosea 11:4

Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.

Jeheskel 20:35

Jạt jạtrenkoakʼ hahaṅkarteń idipea ar onḍege ape tulucʼ samka sạṭi reakʼ bicạriń phanḍaoa.