Jirimiạ 31:19 - সান্তালী বাইবেল

¹⁹ Iń do bạṛicʼ horte sen tayom kastaokateń ruạṛ hecʼena, bujhạu ńamkate koṛamiń ceṭakʼena. Iń do lajao ariń opoman ocoyena, ente ińakʼ juạn umer reakʼ kại iạtegeń opoman ocoyena.’

Jirimiạ 31:19 Referans Kwoze

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jeheskel 21:12

E manwa hopon, ragme ar homor halaṅme, ente ona tarwaṛe do ińren hoṛko upạrte ar Israelren sanam mukhiyạko upạrtehõ kana. Onko do ińren hoṛko sãote tarwaṛe ṭhenko soprot ocoakana. Onate am do koṛam ceṭagtam.

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Dosar Biboron 30:2

Ar onako dinre ape ar aperen hopon ar hoponerako tinre Probhu Isor ṭhenpe ruạṛ hijukʼa ar teheń okako hukumiń emapekan onape dohoyte mon ar ontorte uniyakʼ sana lekape taṛama,

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Esra 9:6

“E ińren Isor, am secʼ beṅgetʼ hõ lajaogeń ạikạueda, ente aleakʼ kại do aleakʼ bohokʼ cetan hara rakapʼ akantalea ar aleakʼ ghạṭ do sermae tiyạkʼ akada.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Luk 15:30

Menkhan amren nui hopon do, kusmbiko tulucʼ amakʼ ṭaka-poesae ublạ ḍubla cabakeda, are hecʼenre uni do lodgopʼ ḍạṅgram gocʼadea.’

Jeheskel 36:26

Iń do apere nãwã ontor ar nãwã moniń emapea; ar apeakʼ keṭecʼ moniń sạṅgiń ocoyte lạbitʼ moniń danapea.

Jeheskel 23:3

Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jesaea 54:4

Alom botorokʼa, ente am do bam lajao ocokʼa. Ar alom andesalekʼa, ente bam nak kaṭakʼa. Amakʼ juạn okte reakʼ lajao dom hiṛińa ar amakʼ rạnḍi jokhecʼ reakʼ durnam hõ bam disạitama.

Jobakʼ 20:11

Juạn reakʼ daṛete uniyakʼ jaṅko do perecʼgetaea uni sãote dhuṛire giticʼ akane tahena.

Jobakʼ 13:26

Iń upạrte do hewer haṛhatʼ katham oletʼkana ar juạn jokhecʼ reakʼ ghạṭkom lekhawạńkana.

Sereńko 119:67

Kosṭo ńam lahare iń do eṭakʼ horreń tahẽkan, menkhan ńitokʼ do amakʼ kathareń gobol akana.

Jeheskel 21:17

Ińhõ tiyiń thayoya ar ińakʼ jaljalaokʼ edreń tirpit ocoytińạ. Iń Probhu Isorge noa katha doń meneda.”