Jirimiạ 31:18 - সান্তালী বাইবেল

¹⁸ “Iń do khạṭige Ephrayimakʼ noa hae haeyokʼ doń ańjomakatʼgea, ‘am do bin etoakan mĩhũ lekam ḍanṭao akadińạ, ar ona iạte iń do sạjạiyiń ńam akada. Ruạṛińme, enḍekhaniń ruạṛ hijukʼa, ente am kangeam ińren Probhu Isor do.

Jirimiạ 31:18 Referans Kwoze

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Sereńko 80:3

E Isor, lahate leka rakapʼ ruạṛlem; amakʼ daya reakʼ marsal do ale cetanre paṛaokʼma, onate ale do bańcaole ńama.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jobakʼ 5:17

“Bhạgangeae uni hoṛ, okoe do Isore sudhrạuede. Onate sanam daṛeanicʼakʼ ḍanṭao do alom nihạ̃ta,

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Rak̕joṅ 5:21

E Probhu Isor, bam nihạ̃t giḍi akatʼle khan, ale cetanre bam bekusi akan khan, enḍekhan am ṭhen baṛe ruạṛ idilem adole ruạṛ hijukʼa; ar sedae leka aleakʼ dinko baṛe ruạṛ kataleme.

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Sereńko 94:12

E Probhu Isor, uni hoṛ doe bhạgangea okoe dom ḍanṭaoede ar amakʼ ạn ạrikom cetʼaekan.

Sereńko 80:19

E sanam daṛeanicʼ Probhu Isor, am do lahate leka beretʼ ruạṛlem; ar amakʼ daya reakʼ marsal do ale cetanre paṛaokʼma, onate ale do bańcaole ńama.

Sereńko 80:7

E sanam daṛeanicʼ Isor, am do lahate leka beretʼleme; amakʼ daya reakʼ marsal do ale cetanre paṛaokʼma, onate ale do bańcaole ńama.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Ibriko 12:5

Isor do acʼren gidrạko lekae udgạu akatʼpete okae galmarao akatʼpe ona dope hiṛiń akada. Uni doe menakada, E beṭa, Probhu Isorakʼ ḍanṭao do alom neṅghaoa, ar uniye egerlemre alom ạtruńokʼa;

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Luk 1:17

Uni do Eliạ nạbi reakʼ Jiu ar daṛete Probhu Isor laha lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoy ocoytakoa. Nonkate uni do Probhu Isor lạgitʼ mitʼṭecʼ sapṛao akan jạtrenkoe tearkoa.”

Malaki 4:6

Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

Sephaniạ 3:2

Uni do celege bae manaokoa, ar ḍanṭao hõ bae moneyakʼa. Probhu Isor cetanre uni do bae bhorsakʼkana, acʼren Isor ṭhen hõ bae senokʼkana.

Hosea 10:11

Ephrayim do kuṛạiye ńam akatʼ mitʼṭen gại leka kanae okoe do phosol manḍae kusiyakʼ kan, menkhan iń do uniyakʼ mońj hoṭokʼre arãṛ iń gokʼaea. Ephrayim do ińren cacas ḍaṅgrae hoyokʼtińạ ar Jihudạ do ińakʼ nahelgeye ora, ar Jakob do ḍhelak hasae gejera.”

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Jirimiạ 31:6

Nonkan dinko hijukʼa tinre Ephrayimakʼ buru coṭre pahradarko do hohoateko mena, ‘Dela, Sionte aboren Probhu Isor ṭhen bon calakʼa.’ ”

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jesaea 53:7

Uni doe santao ocoyena ar duke jomkeda, menkhan enhõ acʼakʼ moca do bae jhicʼletʼtaea; uni do mage lạgidokʼkan bhiḍi hopon lekae tiyạkʼ idi ocoyena, ar kạpciyicʼ samaṅre hape akan bhiḍi leka uni do moca bae jhicʼletʼtaea.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jesaea 1:5

Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Kạhtukko 26:3

Sadom lạgitʼ cetʼleka cạbuk, ar gadha lạgitʼ do jhin, onkage pãeṛã do bebujkoakʼ dea lạgitʼkana.

Kạhtukko 3:11

E bạbu, Probhu Isorakʼ ḍanṭao baṛe moneyakʼme, uniye egerlemre alom ạtruńokʼa;

Sereńko 119:75

E Probhu Isor, ińiń baḍaea amakʼ ạn ạriko do dhoromte perecʼgea; ar amem pạtiạrge iạte ińem duk ocoakadińạ.

Sereńko 85:4

E aleren babańcaoicʼ Isor, am do lahate leka beretʼ ruạṛlem; ar alere menakʼ amakʼ edre baṛe ocogtam.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Numeri 2:18

“Pạchim secʼre do Ephrayem dol reakʼ nisạnren hoṛko ḍerakʼa. Ephrayem gusṭiren mukhiyạ doe hoyokʼkana Ahimudren hopon Elisama ar uniren hoṛkoakʼ lekha do pongel hajar mõṛẽsae.

Sereńko 118:18

Probhu Isor do kajakteye ḍanṭao edeńkana, menkhan gujukʼ reakʼ tire do bae alae akadińạ.

Sereńko 119:67

Kosṭo ńam lahare iń do eṭakʼ horreń tahẽkan, menkhan ńitokʼ do amakʼ kathareń gobol akana.

Jeheskel 20:43

Onḍe apeakʼ lahateakʼ colon reakʼ katha ar okako kạmi hotete apnartetʼpe bhonḍlen onakope disạya ar apeakʼ sanam bạṛicʼ kạmiko iạte apnartetʼpe hirkhạjoṅa.

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Sereńko 31:15

Amakʼ tirege ińakʼ okteko do; okoe ińko khudạuedeń kan onko bạirikoakʼ ti khon amge bańcaoińme baṛe.