Jirimiạ 31:15 - সান্তালী বাইবেল

¹⁵ Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Jirimiạ 31:15 Referans Kwoze

Jirimiạ 40:1

Jerusalem ar Jihudạren sanam bondiko tinre Babelteko idi ocokʼkan tahẽkana unre Babel rajren rurukhiyạ dolren subedar Nebusaradan do onko sãote Jirimiạ hõ sikṛite tolkateye idikedea. Menkhan uni do Ramare Jirimiại aṛakʼkedea. Ona tayom Probhu Isor do Jirimiạ ṭhen kathae roṛkeda.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Genesis 35:19

Ar Rahel do Ephrat, metakʼme Bethlehem calakʼ horreko topakadea.

Jirimiạ 10:20

Ińakʼ tạmbu do jarkhar akana; ona reakʼ sanam baberko topakʼ akana. Ińren hoponko do iń ṭhen khonko oḍok calao akana, onko do ar bạnukʼkoa; ińakʼ tạmbu ar ona reakʼ orwal ṭaṅgao lạgitʼ ńitokʼ do celege bạnukʼkoa.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Genesis 42:13

Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Rak̕joṅ 5:7

Aleren hapṛamko doko kạileda; onko do ńitokʼ ar bạnukʼkoa, menkhan ale do onkoakʼ ghạṭkole gokʼbaṛayeda.

Genesis 42:36

Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”

Jeheskel 2:10

Uni do iń samaṅre onae oṭakʼkeda. Ona reakʼ banarsage homor halaṅ, kũhrạukʼ ar hae haeyokʼ reakʼ kathako ol tahẽkana.

Sereńko 37:36

Ona tayom uni doe marao cabayena, ar bae tahẽlena; iń doń ńam baṛakedea, ar bae ńamlena.

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

Josuạ 18:25

Ona chaḍa onko do Gibeon, Rama, Be-Erot,

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

Bikʼcạrko 4:5

Uni do Ephrayem buru ṭoṭhako reakʼ Rama ar Bethel tala reakʼ mitʼṭecʼ khijur dare buṭạreye duṛupʼkan tahẽkana, ar Israelko do akoakʼ jhogṛa emanko miṭmaṭ lạgitʼ uni ṭhenko hijukʼkan tahẽkana.

Jesaea 10:29

Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.