Jirimiạ 31:14 - সান্তালী বাইবেল

¹⁴ Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Jirimiạ 31:14 Referans Kwoze

Jirimiạ 31:25

Iń do laṅga akankoń cerṭha ocokoa ar nacarkoakʼ ontor doń daṛe ocoytakoa.”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

Ephesiko lạgitʼ Pạul Apostolakʼ ciṭhi 3:19

Mạsiyakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Sereńko 107:9

Okoeyakʼ ontorre tetaṅ menakʼ uni doe ṭanḍha ocokedea, ar okoeyakʼ ontorre reṅgecʼ menakʼ onko do bhage bhage jiniskoteye tirpit ocoketʼkoa.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Sereńko 132:16

Iń do Sionren naekeko bańcaokʼ reakʼ kicricʼ iń horokʼakoa; onḍe ińko botorạńkan hoṛ do ãṭ aṛaṅteko sereńa.

Sereńko 132:9

Amren naekeko do dhorom reakʼ kicricʼko horogma, ar am botoram kanko do rạskạteko sereńma.

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Nehemiạ 10:39

Ar khajańci oṛakʼ reakʼ okako kandhare sonot jinisko dohoyetʼkan ar sekʼwakan naekeko, rurukhiyạko ar sekʼreń dolrenko okareko tahen onḍe Israelko ar Liwiko do akoakʼ anaj, nãwã darkha rasa ar sunumko ạguiya. Aleren Isorakʼ oṛakʼre jãhãnakʼge jạruṛ onage ale dole emokʼa.

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Sereńko 90:14

Amakʼ nãwã dulạṛte baṛe tirpitlem, jemon rạskạtele sereń daṛeakʼ ar kusite jionle khemao daṛeakʼ.

Jirimiạ 50:19

Menkhan Israel do acʼakʼ ạtiń ṭạnḍiteń ruạṛ ạguiyea uni do Karmel ar Basanreye ạtińa; Ephrayim ar Gilead reakʼ burukore acʼakʼ jiwiye tirpit ocoytaea.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Dosar Biboron 33:23

Napthali reaṅ uni doe menkeda, “Napthali do Probhu Isorakʼ mãyãteye perecʼgea; uniyakʼ bhorte uni doe perecʼakana. Gạlil doreão ar ona reakʼ dạkhin disạm am do ạidạri joṅme.”

Sereńko 63:2

Nonkage ona sonot ṭhạ̃ire iń doń ńel akatʼmea, ar amakʼ daṛe ar ṭhonok hõń ńelakada.

Sereńko 63:6

Aṭetʼre giticʼkate amakʼ katha reakʼ iń ganḍonokʼ kana, ar ńindạ do pohrek pohrekre am reakʼ iń dheneda;

Sereńko 85:13

Bedhorom do uni laha lahateye calakʼa; ar uniyakʼ taṛam lạgitʼ hore benao idiya.

Jeheskel 34:14

Onko do bhage bhage ạtiń ṭạnḍireń gupikoa ar Israel reakʼ usul burukore onkoakʼ ạtiń ṭhạ̃i do hoyokʼa. Onko do bhage ṭhạ̃iregeko tahena ar onḍe Israelakʼ burukore bhage ạtiń ṭạnḍireko ạtiń baṛaea.