Jirimiạ 31:11 - সান্তালী বাইবেল

¹¹ Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.

Jirimiạ 31:11 Referans Kwoze

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jirimiạ 15:21

Iń do bạṛicʼkoakʼ ti khoniń rukhiyạmea ar kurmutạhakoakʼ ti khon doń chaḍaomea.”

Jesaea 49:24

Daṛean hoṛ ṭhen khon cetʼ luṭ reakʼ jinis dom recʼ daṛeakʼa? Se kumãyãicʼren jhuṭiạuicʼ do cetʼem chaḍao daṛekea?

Sereńko 142:6

Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Mathae 12:29

“Daṛe menakʼtae hoṛ do pạhilre baṅ tol maṛaṅ lekhan uni oṛakʼre bolokate cetʼ jãhãe uniyakʼ jiniskoe luṭ daṛeketaea? Menkhan uniye tol maṛaṅ lekhan doe daṛeakʼgea.

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Jirimiạ 50:33

Phạdkoren Probhu Isore meneda, “Israel ar Jihudạren hoṛ doko santao ocokʼkana. Okoe onkoko sapʼakatʼko onko jotoge kajakteko sapʼ dohoakatʼkoa, ar bako sen ocoako kana.

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jirimiạ 50:34

Menkhan onkoren chakʼḍaoicʼ doe daṛeangea; uniyakʼ ńutum do phạdkoren Probhu Isorge. Uni do onkoakʼ mamblae calaotakoa jemon onkoakʼ disạmre suluke ạgui ar Babelren hoṛkoe ḍamaḍol ocoko.”

Sakariạ 9:16

Enhilokʼ onkoren Probhu Isor do bhiḍi palko leka acʼren hoṛkoe bańcaokoa. Onko do uniyakʼ disạmre mukuṭ reakʼ hirạ-mạnik lekako jhak jhakaokʼa.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Rak̕joṅ 3:58

E Probhu Isor, am do iń secʼem hoyakana, ar ińakʼ jiwim chaḍaoketʼtińạ