Jirimiạ 30:24 - সান্তালী বাইবেল

²⁴ Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Jirimiạ 30:24 Referans Kwoze

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Jirimiạ 48:47

Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jesaea 14:24

Phạdkoren Probhu Isor do kiriạkateye meneda, “Sạrige, iń oka lekań ṭhik dohoakatʼ onkage hoyokʼa, ona do teṅgo tahena.

1 Samuel 3:12

Iń do Eliyakʼ bõs reaṅ okako kathań roṛakatʼ ona reakʼ pạhil khon mucạtʼ hạbicʼ Eli upạrte jotowakʼgeń purạua.

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

Dosar Biboron 4:30

Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Jirimiạ 49:39

menkhan tayom daram dinre iń do Elam reakʼ dosań ruạṛ ạguiya. Iń Probhu Isorge noa katha doń meneda.”

Jirimiạ 49:37

Ar okoe onko gocʼko reakʼko monejoṅ onko bạiriko samaṅrege iń do Elamrenkoń dhaṅdhaserkoa; ińakʼ jolokʼkan edre do onko cetanreń paṛao ocoya. Ar ạuriko cabakʼ hạbicʼ onko upạrte tarwaṛeń kola.

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.