Jirimiạ 30:22 - সান্তালী বাইবেল

²² Onatege ape do ińren hoṛpe hoyokʼa ar iń do aperen Isoriń hoyokʼa.”

Jirimiạ 30:22 Referans Kwoze

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jeheskel 36:28

Ar aperen hapṛamko okaṭakʼ disạm iń ematʼko tahẽkan onḍegepe girobasokʼa; ape do ińren hoṛpe hoyokʼa ar iń do aperen Isor iń hoyokʼa.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

Ibriko 8:10

Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Jeheskel 37:27

Ińakʼ tahen ṭhạ̃i do onko talarege hoyokʼa; iń do onkoren Isoriń hoyokʼa ar onko do ińren hoṛko hoyokʼa.

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Jeheskel 11:20

Enḍekhan onko do ińakʼ niạm lekako calakʼa ar ińakʼ ạn ạriko joton salakʼko palona. Onko do ińren hoṛko hoyokʼa ar iń do onkoren Isoriń hoyokʼa.

Soros sereń 2:16

Dulạṛiạtiń doe ińren kangea ar ińhõ unirenge; uni do sikiyạm baha bagwan talareye gukʼpikana.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.