Jirimiạ 30:21 - সান্তালী বাইবেল

²¹ Onkoren mukhiyạ do onkoren mitʼ hoṛe hoyokʼtakoa; onko tala khonge ḍanṭaoicʼe rakabokʼa. Iń do uniń hohoaea ar uni do iń ṭhene hijukʼa, ente bạń hohoae khan uni do cetʼ dil salakʼ iń ṭhene hecʼdaṛeakʼa?

Jirimiạ 30:21 Referans Kwoze

Numeri 16:5

Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Jirimiạ 30:9

Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Dosar Biboron 33:5

Tinre Israelren mukhiyạko, ar onko sãote Israel khũṭren sanamkoko jarwayena. unre Jisurun raj do Probhu Isorgeye tahẽkana.”

Dosar Biboron 18:18

Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Mathae 27:37

Onko do Jisuakʼ bohokʼ cetanre noa dos olakʼko bạisạukeda, “Nui do Jisu, Jihudikoren raj.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Mathae 2:2

“Jihudikoren janam akan raj do okare menaea? Ale do uniren ipil purubrele ńelakadea ar uni sewawae lạgitʼle hecʼakana.”

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Genesis 18:27

Abrahame menkeda, “Ńelme, dhuṛi ar torocʼ chaḍa am samaṅre iń do celegeń baṅkana, enhõ iń do dilkate ińren Probhu Isor sãote kathań roṛeda.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Sereńko 89:29

Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.

Nehemiạ 7:2

Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

Esra 2:2

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana:

Genesis 18:32

Unre Abrahame menkeda, “Ińren Probhu Isor do alo baṛeye ạṛisokʼma, iń do ar mitʼ dhaoiń meneda, onḍe eken gel hoṛko ńamokʼ?” Uniye menkeda, “Onko gel hoṛko iạte iń do ona nagraha bạń maraoa.”

Genesis 18:30

Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Exodus 3:5

Probhu Isore menkeda, “Ar alom sorokʼa. Amakʼ jaṅga reakʼ panahe bojtam. Ente am do sonot ṭhạ̃irem teṅgo akana.

Dosar Biboron 17:15

unre aperen Probhu Isor okoeye ṭhikape unigepe rajea. Ar uni do aperen Israel boehako modren mitʼ hoṛge jemone hoyokʼ. Okoe aperen Israel boehae baṅkan nonkan eṭakʼ jạtren hoṛ do alope rajkoa.

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Hosea 1:11

Jihudạ ar Israelren hoṛko do arhõko midokʼa ar ako cetanre mitʼṭen mukhiyạko dohoyea. Ona laha oka disạmre bondi akanko tahẽkan onḍe khon onko doko calaojoṅa, ente Jisreyelakʼ ona din do maraṅge hoyokʼa.