Jirimiạ 30:18 - সান্তালী বাইবেল

¹⁸ Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

Jirimiạ 30:18 Referans Kwoze

Sereńko 102:13

Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

Jirimiạ 30:3

ente nonkan dinko hijukʼkana tinre iń do ińren hoṛ Israel ar Jihudạ reakʼ dosań ạgu ruạṛa ar okaṭakʼ disạm do onkoren hapṛamkoń ematʼko tahẽkan ona disạmre iń do onkoń ruạṛ ạgukoa, ar ona do onkoakʼ dokholre tahena.”

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Jirimiạ 49:39

menkhan tayom daram dinre iń do Elam reakʼ dosań ruạṛ ạguiya. Iń Probhu Isorge noa katha doń meneda.”

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Sakariạ 1:16

Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Jirimiạ 46:27

“E ińren golam Jakob, am do alom botorokʼa; E Israel, bin udgạuicʼ do alom hoyokʼa. Iń do sạṅgiń disạm khon, bondi akan disạm khon am ar amren hoponko khạṭigeń bańcaopea. Jakob do arhõ sulukte ar khạtirjomae tahena, celege bako botor ocoyea.

Jirimiạ 49:6

Menkhan tayomte Amonrenkoakʼ dosa doń ạcur ruạṛtakoa.

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jirimiạ 31:38

Probhu Isore meneda, “Ona okteko hijukʼkana tinre iń lạgitʼ Hananel buruńj khon Konac reakʼ phaṭok duạr hạbicʼ niạ nagraha do arhõ benao arokʼa.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sereńko 78:69

Onḍe uni do acʼakʼ sonot oṛakʼ usulgeye benaokeda, ona do serma ṭuṅgạu hạbicʼge tahẽkana; uni do dhạrti lekage onae benaokeda.

Nehemiạ 7:4

Nonkage bebosta hoyena, ente Jerusalem nagraha do ạḍi maraṅ ar ḍher jaegakowante tahẽkana, menkhan hoṛko do thoṛageko tahẽkana ar oṛakʼ-duạrko hõ unhạbicʼ do baṅ benao akan tahẽkana.

Sereńko 85:1

E Probhu Isor, amakʼ disạm lạgitʼ do dayam udukʼ akada; am do Jakob acʼakʼ bondi dosa khonem ruạṛ ạguakadea.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Jirimiạ 31:40

Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

Sereńko 48:3

Ona nagraha reakʼ raj dolanko do Isor acʼge gaṛ lekateye sodor akada.

Sereńko 48:13

Ona beṛhaeteakʼ dolanko ạri bạndhiyakʼpe, ar raj dolan reakʼ kandhako ńelpe, jemon aperen hoponko ṭhenpe lại daṛeakʼ.

Sereńko 122:7

Ona beṛhaeteakʼ pạcrikore suluk tahenma, ar ona reakʼ raj dolanre hõ bhạlại tahen ma.”

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Jeheskel 36:11

Apere manwa ar janwarkoakʼ lekha hõń ḍher ocoya ar onko doko bạḍ idikʼa ar lekhareko ḍherokʼa. Ar apere lahate lekage hoṛkoń girobas ocokoa ar laha khon hõ ḍher gidrạkoń hoyocokotapea. Unrepe baḍae daṛeakʼa, ińkangeạń Probhu Isor do.

Amos 9:14

Bondi dosare menakʼko ińren hoṛ Israelkoń ruạṛ ạgukoa; onko do dhaṅdhaser akan nagraha arhõko benao aroea ar onakoreko tahena. Onko do darkha bagwanko benaojoṅa arko ńũiya; onko do bagwanko benaoa ar ona reakʼ joko joma.

Sakariạ 1:12

Unre Probhu Isorren goḍete menkeda, “E phạdkoren Probhu Isor, am do Jerusalem ar Jihudạ reakʼ eṭakʼ nagrahako cetanre nõkʼõe eaegel bochor raṅgao akanem tahẽkana ar tinạkʼ din onkore begor mãyãtem tahena?”

Sakariạ 12:7

“Iń Probhu Isorge pạhilre Jihudạ reakʼ tahen ṭhạ̃ikoń bańcaoa jemon Dạudakʼ bõsren ar Jerusalemren hoṛkoakʼ manot do Jihudạren eṭakʼ eṭakʼ hoṛko khon ḍher baṅ hoyokʼ.

Sereńko 102:14

Amren golamko do uniyakʼ dhiriko hạ̃sakʼ kana; ar ona reakʼ dhuṛi hõko mãyãwakʼ kana.

Jirimiạ 32:44

Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”