Jirimiạ 30:16 - সান্তালী বাইবেল

¹⁶ “Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,

Jirimiạ 30:16 Referans Kwoze

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Johan sodor 13:10

Okoe kạidi hoyokʼ reakʼ katha menakʼtae uni do kạidiye hoyokʼa. Okoe tarwaṛeteye gogocʼ uni do tarwaṛetegeye khũn ocokʼa. Onate Isorren hoṛko do sombhuri ar pạtiạu reakʼ jạruṛ menakʼtakoa.

Sakariạ 12:2

“Jerusalem do nonkan mitʼṭecʼ bubulakʼ bhajaniń benaoa one ona reakʼ ńũkate aḍepaseren sanam jạtren hoṛko konḍa manḍekʼa. Jerusalemrenko sãote Jihudạ reakʼ eṭakʼ nagrahako hõ gherao esetʼ ocokʼa.

Joel 3:8

Aperen hopon ar hoponerako do Jihudạren hoṛ ṭheniń ạkhrińkoa ar onko do sạṅgińre menakʼko Saba jạtren ṭhenko ạkhrińkoa.” Noa katha do Probhu Isorgeye menetʼkana.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Sereńko 129:5

Okoe Sionko kurudakʼ kan onko doko lajao ocokʼma arko pạc ruạṛokʼma.

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Jeheskel 35:5

“ ‘Ḍher din khon am do Israelren bạirim hoyakana ar onkoakʼ muhinre tinre onkoakʼ sạjại do purạteko em ocoakana unre am do tarwaṛe reakʼ daṛerem soprotketʼkoa.

Jeheskel 29:6

Onate okoe Misorreko girobasokʼ kan onko sanamgeko baḍae daṛeakʼa ińkangeạń Probhu Isor do. “Am do Israelko lạgitʼ chuci ṭheṅgagem tahẽkana.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 54:15

Jãhãege amre jhãpe em enḍekhan bujhạume uni do bạń kol akadea. Ar okoe ame akromonme uni do am hotete gujukʼ hoyokʼtaea.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Sakariạ 1:14

Ona iạte uni serma goḍet do ińe metadińạ, “Am do noa lại sodorme, phạdkoren Probhu Isore meneda, ‘Jerusalem lạgitʼ, metatʼme Sion lạgitʼ iń do monre ạḍiń dukokʼ kana.

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jirimiạ 8:16

Dan nagraha khon bạirikoren sadomakʼ phurko ańjomokʼ kana; onkoren sadomkoakʼ hiṅhạukʼte goṭa disạm do thar tharokʼkana. Disạm ar ona reakʼ sanam nagraha ar onaren hoṛko maraoko lạgitʼko hijukʼkana.

Jirimiạ 30:15

Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.

Dosar Biboron 30:7

Aperen Probhu Isor do aperen bạiriko cetanre noako sarape ạguiya one okoe do apeko hirkhạ apekan arko santaoetʼpe.

1 Samuel 17:53

Ar Israelko do khudạu khonko ruạṛen tayom onkoakʼ ḍerako luṭketʼtakoa.

Kạhtukko 22:23

Ente Probhu Isor do mamblareye onko sejokʼa, ar okoe onkoakʼ jiniskoko recʼ ạguakatʼ uni do onkoakʼ jiwiye hataotakoa.

Rak̕joṅ 1:22

Onkoakʼ sanam bạṛicʼ kạmiko do am samaṅre hijukʼma. Ińakʼ sanam ghạṭko iạte ińre okam ceka akatʼ onkorehõ baṛe onkaeme. Ińakʼ kuhrạu do ḍhergea, ińakʼ mon do kạhil akantińạ. ”

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Sakariạ 2:12

Sonot disạmre uniyakʼ sompotti lekate Probhu Isor do Jihudạ disạme ạidạrijoṅa ar Jerusalem do arhõe bachaojoṅa.