Biblia Todo Logo
Bib sou entènèt

- Piblisite -




Jirimiạ 30:14 - সান্তালী বাইবেল

14 Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Gade chapit la Kopi




Jirimiạ 30:14
38 Referans Kwoze  

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.


Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.


Am do ińre kurmutạha lekam beohareda; amakʼ daṛeakʼ tite am dom ghạl akadińạ.


Probhu Isore meneda, “E Jerusalem, am do Lebanonte senkate hohoeme, ar Basonre amakʼ aṛaṅ ańjom ocoytam. Am do Abarim khon kikiạume, ente amren dulạṛiạko doko chirchạtur akana.


Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.


Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.


E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.


Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.


Iń upạrte uniyakʼ edre do jolokʼkana; acʼren mitʼṭecʼ bạiri menteye hudis edeńkana.


Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.


Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’


Ona iạte iń Probhu Isorgeń menetʼkana, amren okoe dulạṛiạkom hirkhạ akatʼko onkoge am upạrteń uskạukoa ar beṛhae khon am upạrteń ạgukoa.


“Ona iạte iń do uniren dulạṛiạkoakʼ tire, metakʼme okoeye gagojako kan tahẽkan onko Ạsurrenkoakʼ tireń soprotkadea.


Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.


Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’


Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”


Isor do ạḍitetʼe ghạl akadińạ edrete iń doe cirạ akadińạ; iń ńelteye togocʼ ḍaṭayetʼ kana; ar iń upạrte mẽtʼ jolokʼkantaea.


Lelha hoṛ do akoakʼ pap reakʼ hor iạte, ar akoakʼ ghạṭ iạteko sasetokʼkana.


Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”


“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.


“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.


Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.


Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.


Amren sanam gate-rajosṭiko hõ amren ńir pharakokʼkan hoṛko akoakʼ simạna talate bako bolo ocoakoa. Ar amren gate hõ amko ṭhokamea ar ako secʼko or ạgumea; okoe amakʼko jometʼkan tahẽkan onko do am lạgitʼ jhãmpako oḍaoa, menkhan am do cetʼge bam bujhạu daṛeakʼa.”


Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.


Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.


Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.


Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.


Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.


Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.


Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.


Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.


Swiv nou:

Piblisite


Piblisite