Jirimiạ 30:13 - সান্তালী বাইবেল

¹³ Am secʼ katha roroṛ hoṛ do okoehõ bạnukʼkoa, amakʼ ghao reakʼ ran do bạnukʼa, ar am do besokʼ reakʼ ashõ bạnukʼtama.

Jirimiạ 30:13 Referans Kwoze

Jirimiạ 46:11

“E kũạri kuṛi Misor, am do Gileadte rakapʼ calakʼme ar haso reakʼ ran sunum ạgujoṅme. Am do ạuṛiyakʼge ạḍi lekan rankom lagao joṅkana; am do bam bogekʼa.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

1 Johan 2:1

E ińren dulạṛiạ hoponińko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛowabon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Nạhum 3:19

Jãhãnakʼ cetʼtege amakʼ ghao do baṅ bogekʼkana; ente amakʼ ghạl do maraṅgea. Okoe amakʼ khoborko ańjomakatʼ onko mimitʼko do amakʼ ńutumte tiko thayoyeda, ente amakʼ bin mucạtʼ dusṭạmire do okoe hale bae paṛao akana?

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jobakʼ 5:18

ente uni doe ghạghạlgea, arhõ onae bedhaokakʼa; uni doe hạhạna, arhõ acʼakʼ titegeye bogea.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 6:7

Kuń reakʼ dakʼ cetʼleka tartạriạ tahen onkage uni do acʼakʼ dusṭạmiye tartạriạ ocoyeda. Ona bhitrire jorbojor ar jarkhar reakʼ saḍe ańjomokʼ kana; uniyakʼ rog ar ghạl do jaoge iń samaṅre menakʼa.

Jeheskel 30:21

“E manwa hopon, iń do Misorren raj Pharaoakʼ tiyiń rạputʼ akatʼtaea. Ar bogekʼ lạgitʼ ona ti do kicricʼte baṅ bedhao akana jemon ghuriạte ona do tarwaṛe bae sapʼ daṛeakʼ.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?