Jirimiạ 30:10 - সান্তালী বাইবেল

¹⁰ “Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jirimiạ 30:10 Referans Kwoze

Hosea 2:18

Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Jesaea 44:2

Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;

Jesaea 35:9

Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Johan 12:15

“E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jirimiạ 23:8

bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Jirimiạ 3:18

Un jokhecʼ Jihudạren hoṛ do Israelren hoṛko sãoteko seledokʼa ar okaṭakʼ disạm ạidạri menkate aperen hapṛamkoń ematʼko tahẽkan ona disạmre mitʼdomte utạr secʼ khonko ruạṛ hijukʼa.’

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

Jeheskel 38:11

Arem mena, nonkan mitʼṭecʼ disạmre jhãpiń ema one oka reakʼ atokore pạcri bạnukʼ. Am do sulukte ar khạtirjoma tahen hoṛko cetanre jhãpem ema one okoe do pạcri, phaṭok duạr, ar huṛkạṛ chaḍageko girobasokʼ kan.

Jeheskel 16:52

Amakʼ be-sonman do amge asen baṛae hoyokʼtama, ente amakʼ kạmiko do amren boeha kuṛikin secʼ gohae emetʼkana. Amakʼ kại do unkin khon hõ ḍher hirkhạwanakʼ kante am khon dhoromgekin hudisokʼkana. Onate am do lajaokʼme ar amakʼ be-sonman asen baṛaeme, ente am do amren boeha kuṛikin dhorom mentem sạbud ocoyetʼkinạ.

Jirimiạ 30:3

ente nonkan dinko hijukʼkana tinre iń do ińren hoṛ Israel ar Jihudạ reakʼ dosań ạgu ruạṛa ar okaṭakʼ disạm do onkoren hapṛamkoń ematʼko tahẽkan ona disạmre iń do onkoń ruạṛ ạgukoa, ar ona do onkoakʼ dokholre tahena.”

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jesaea 54:4

Alom botorokʼa, ente am do bam lajao ocokʼa. Ar alom andesalekʼa, ente bam nak kaṭakʼa. Amakʼ juạn okte reakʼ lajao dom hiṛińa ar amakʼ rạnḍi jokhecʼ reakʼ durnam hõ bam disạitama.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Jesaea 44:1

Probhu Isore meneda, “Ańjomtińme E ińren guti Jakob, ar amiń bachao akatʼme Israel.

Jirimiạ 23:4

Onko cetanre nonkan gukʼpikoń bahalkoa okoe do onkoko ńel todarot daṛeako; unre ińren bhiḍiko bako botorokʼa, bako asokʼ ṭayogokʼa ar okoeṭakʼge bako adokʼa. Iń Probhu Isorge niạ kathań meneda.”

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Joel 2:21

E Jihudạ disạm, alom botorokʼa; am do kusikʼme, rạskạkʼme, ente Probhu Isor do maraṅ maraṅakʼkoe kạmiakada.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Hosea 2:20

Iń do pạtiạr salakʼ ona jopoṛaoiń kajaka ar unre am do khạndrite Probhu Isorem baḍae daṛeaea.

Hosea 6:11

“E Jihudạ, am lạgitʼ hõ phosol irokʼ reakʼ okte do ṭhik dohoakana.

Mikạ 4:9

Cedakʼ am do ńitokʼ ãṭ aṛaṅtem rakʼeda? Amren raj do cetʼ bạnuiya? Amren sosolhayicʼ do cetʼe gocʼakana? Ar cetʼ iạte bedonokʼ kan maejiu leka dom bedonokʼkana?