Jirimiạ 3:19 - সান্তালী বাইবেল

¹⁹ “Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Jirimiạ 3:19 Referans Kwoze

Jirimiạ 3:4

Am do cetʼ ńitge hohoate bam metadińạ, ‘E baba, am do ińakʼ juạn jokhecʼren gate kanam,

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Daniel 11:41

Uni do ṭhonok disạmte hõe bolokʼa. Ar ḍher disạmko do ńurokʼa, menkhan goṭa Edom, Moab ar Amonren joto khon bhage hoṛko do uniyakʼ ti khon bańcaoko ńama.

Daniel 11:16

Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.

Daniel 8:9

Ar onako dereń reakʼ mitʼṭecʼ khon ar mitʼṭecʼ dereń janamena; ona do pạhilre huḍińge tahẽkana menkhan tayomte do dạkhin, purub ar ṭhonok disạm secʼ hara idiyena.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Kạhtukko 3:35

Ạkilan hoṛ do manotko ńama, menkhan bebujko do lajaoreko paṛaokʼa.

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Sereńko 16:6

ińakʼ simạnare paṛao akan ṭhạ̃iko do hạ̃sgea; ar ińakʼ sompotti ńelkate sạrigem mạluṅ utạrokʼa.

Sereńko 89:26

Uni do hohowạńteye mitạńa, ‘amge ińren Baba do, ińren Isor, ar ińren aotan buru.’

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Dosar Biboron 14:1

“Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.