Jirimiạ 3:14 - সান্তালী বাইবেল

¹⁴ ‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jirimiạ 3:14 Referans Kwoze

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jesaea 17:6

Enhõ thoṛa hulạkʼ do ńurakan tahena. Jạitun dare joko rukui tayom cetʼleka cetan ḍạrkore mitʼ bar jo tahen, onkage onkoakʼ dosa hõ hoyokʼtakoa.” Israelkoren Probhu Isorge niạ katha doe meneda.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jirimiạ 31:6

Nonkan dinko hijukʼa tinre Ephrayimakʼ buru coṭre pahradarko do hohoateko mena, ‘Dela, Sionte aboren Probhu Isor ṭhen bon calakʼa.’ ”

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

2 Bõsbudạ 30:6

Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.