Jirimiạ 29:8 - সান্তালী বাইবেল

⁸ Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

Jirimiạ 29:8 Referans Kwoze

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 27:9

Onate aperen nạbiko, gonokko, ar kukmũ guruko, mãyãko, se jạdu udukʼkoakʼ katha do alope ańjomtakoa; onko do apeko metapea, Babel rajren golam do bape hoyokʼa.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

2 Thessalonikiko 2:3

Okoe hõ jemon aloko bulạupe, ente ona din hijukʼ lahare Isor upạrte maraṅ bhiṅgṛạu do hoyokʼa, ar uni nonosṭoren hopon, one okoe do maraokʼ reakʼ katha menakʼtae uniye sodorokʼa.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Luk 21:8

Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.

Luk 6:26

Hae ape do, joto hoṛ ape reaṅ bogeko roṛlere. Ente onkoren hapṛamkoge bhonḍ nạbikoko sarhaoetʼko tahẽkana.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Sakariạ 13:4

“Enhilokʼ mimitʼ nạbiko do uniyakʼ dorson reaṅko lajao ocokʼa. Ekʼṛe nạbiko leka upʼ reakʼ kicricʼ uni do bae horoga.

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Jirimiạ 23:21

Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 29:1

Bondiko modre sarecʼ akan murubbiko, naekeko, nạbiko ar eṭakʼ sanam hoṛko Nebukadnesar raj do Jerusalem khon bondikate Babelteye idiletʼko onko ṭhen Jirimiạ do Jerusalem khon mitʼṭecʼ ciṭhiye kolkeda.

Jirimiạ 29:21

Kolayaren hopon Ahab ar Maseyaren hopon Sedekiạ, unkin do iń ńutumte ape ṭhen eṛekin nạbiyetʼkan, unkin reaṅ iń Israelren Isor phạdkoren Probhugeń meneda, unkin do Babelren raj Nebukadnesarakʼ tireń soprotkińạ, ar uni do apeakʼ mẽtʼ samaṅregeye gocʼkinạ.

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Jirimiạ 37:9

“ ‘Ar noa kathate apeakʼ jiwi do alope eṛe ocoytapea je, Babelrenko do khạṭige ape ṭhen khonko uṭhạu calakʼa. Menkhan onko do bako uṭhạu calakʼa.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Jeheskel 13:6

Onkoakʼ dorson do eṛegea ar onkoakʼ gona-poṛa hõ sạriyakʼ do baṅkana. Onkoko meneda, iń do noa kathań meneda, onko do bạń kol akatʼkoa; enhõ onko doko asokʼkana onkoakʼ katha do purạukʼtakoa.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 29:15

Hoedaṛeakʼa apepe mena, “Probhu Isorge Babelre ale tala khon nạbikoe upel akatʼkoa.”