Jirimiạ 29:27 - সান্তালী বাইবেল

²⁷ Ar Anathotren Jirimiạ do unre ape ṭhene nạbiketʼre cedakʼ bam sạjạiledea?

Jirimiạ 29:27 Referans Kwoze

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Mathae 27:63

“Hujur, disạkedale, uni bulạuicʼ do jiwetʼ tahẽkanreye menleda, ‘pe mãhã khangeń jiwetʼ ruạṛokʼa.’

Jirimiạ 29:26

Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

Jirimiạ 1:1

Niạko katha do Hilkiạren hopon Jirimiạwakʼ katha kana. Uni do Benjạmin ṭoṭharen Anathrot atoren naekeko modren mitʼ hoṛe tahẽkana.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”