Jirimiạ 29:26 - সান্তালী বাইবেল

²⁶ Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

Jirimiạ 29:26 Referans Kwoze

2 Rapajko 9:11

Jihui oḍok hecʼen khan onko modren mitʼ hoṛ do uniye kulikedea, “Jotowakʼ bhage gea tho? Uni pagla do cetʼ lạgitʼe hecʼlena?” Jihuye roṛ ruạṛkeda, “Uni hoṛ mape baḍae akadege ar cetʼ lekan kathakoe roṛ ona hõpe baḍaegea.”

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”

Johan 10:20

Onko modren ḍher hoṛko menkeda, “Unire do bhut menaea, uni doe bạulạha akana; cedakʼ uniyakʼ katha dope ańjometʼtaea?”

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Aposkạmi 16:24

Ar daroga do noa hukume ńamketʼ khan hajot reakʼ bhitri kandhareye idiketʼkinạ ar hạṛi paṭate jaṅgae tolkatʼ tạkina.

Mark 3:21

Ado Jisuren peṛako noa khoborko ańjomketʼ khan oḍok ạguiye lạgitʼko hecʼena. Onkoko menkeda, “Uni doe koṅka akana.”

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

2 Korinthiko 11:33

Menkhan pạcrire oka jalna tahẽkan ona bhitrite mitʼṭecʼ khạclạkʼte onko do bahreteko paromgotʼ kạdińạ, ar nonkate iń do uniyakʼ ti khoniń ńir bańcaolena.

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.

Aposkạmi 5:18

Onko do apostolko sapʼkate hajotreko bhoraoketʼkoa.

Aposkạmi 4:1

Patras ar Johan do tinre hoṛkokin galmarao akokan tahẽkana unre naekeko, mundilren mukhiyạko ar Sạdukiko hõ unkin ṭhenko hecʼena.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Johan 8:53

Uni mae gocʼenge ar nạbiko hõko gocʼena. Am do apnarte celeyem benaokʼ kana?”

Mathae 21:23

Jisu do arhõ mundilteye boloyena. Ar tinreye cetʼakokan tahẽkan unre maraṅ naekeko ar Jihudikoren murubbiko do uni ṭhen hecʼkateko menkeda, “Cetʼ ektiạrite noakom kạmikana? Ar okoe noa ektiạri doe emakatʼmea?”

Jirimiạ 38:28

Babelrenko do tinạkʼ din Jerusalemko dokholakatʼ tahẽkan unạkʼ din Jirimiạ do pahradarkoakʼ ona racaregeye tahẽyena.

Jirimiạ 38:6

Unre onko do Jirimiạko sapʼkedea ar rajren hopon Malkiạwakʼ kuńreko bhoraokedea. Noa kuń do pahradarkoakʼ raca talarege tahẽkana. Ar Jirimiạ do baberte tolkate ona kuńreko pheḍkadea. Ona kuńre dakʼ do baṅ, menkhan eken losotʼge tahẽkana; ar Jirimiạ do ona losotʼreye unumokʼkan tahẽkana.

Jirimiạ 29:27

Ar Anathotren Jirimiạ do unre ape ṭhene nạbiketʼre cedakʼ bam sạjạiledea?

2 Bõsbudạ 18:26

Unkinpe metakinạ raje men akada nui do jemon hajotreye doho ocokʼ ar nirạite raj ạuriye ruạṛ hijukʼ hạbicʼ uni do thoṛa dakʼ ar thoṛa piṭhạ chaḍa ar cetʼge alope emaya.”

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

2 Rapajko 11:18

Ona tayom disạmren sanam hoṛ do Bakʼal debotawakʼ mundilte senkate onako rạputʼ giḍikada. Onko do onḍenakʼ pinḍ ar murhutʼkoko rạputʼ giḍikatʼkoa ar Bakʼal debotaren naeke Matan do pinḍ samaṅreko gocʼkedea. Tayomte Jehoyada naeke do Probhu Isorakʼ oṛakʼre pahradarkoe bahalketʼkoa.

2 Rapajko 11:15

Unre Jehoyada naeke do okoe cetanre lạṛhại phạdkoakʼ bhare emade tahẽkan uni subedare hukumadea, “Uni do lạṛhại phạdko talare dohokate nonḍe khon oḍok idiyepe. Ar okoe uni tayomteye hijukʼ uni hõ gojepe.” Niạ lahare uni doe hukumatʼko tahẽkana, Probhu Isorakʼ oṛakʼ talare Athaliạ goje do ṭhik baṅ hoyokʼa.

Aposkạmi 26:25

Unre Pạule menkeda, “Manotan Phestus, iń do bạń pagla akana. Okań roṛetʼkan ona do sạriyakʼ ar soteteakʼ kathageń roṛeda.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.