Jirimiạ 29:23 - সান্তালী বাইবেল

²³ ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Jirimiạ 29:23 Referans Kwoze

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Jirimiạ 29:21

Kolayaren hopon Ahab ar Maseyaren hopon Sedekiạ, unkin do iń ńutumte ape ṭhen eṛekin nạbiyetʼkan, unkin reaṅ iń Israelren Isor phạdkoren Probhugeń meneda, unkin do Babelren raj Nebukadnesarakʼ tireń soprotkińạ, ar uni do apeakʼ mẽtʼ samaṅregeye gocʼkinạ.

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Kạhtukko 5:21

Manwakoakʼ dãṛãn do Probhu Isorakʼ mẽtʼãhã samaṅre menakʼa; onkoakʼ sanam horko uni doe tạnkhiyeda.

Johan sodor 3:14

“Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Malaki 2:14

Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

Jirimiạ 23:21

Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Genesis 31:50

Ar ạlińren hoponera sãote bạṛicʼben beohar, enḍekhan hoponerakin tahenrehõ eṭakʼ maejiuko hataoko ben, ar okoehõ alaṅ sãote bae tahenrehõ disại ben, Isor do alaṅren gohae tahẽyena.

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

Bikʼcạrko 11:10

Gileadren murubbiko roṛ ruạṛadea, “Probhu Isorge aleren gohae hoyena, am okam menketʼ onagele onkaea.”

2 Samuel 13:12

Tamar do uniye metadea, “Alo dada, alom jormoṭeńa. Ente Israelko talare nonkanakʼ do baṅ ganokʼa. Nonkan bạṛicʼakʼ kạmi do alogem kạmiya.

Jirimiạ 5:8

Onko do lacʼ bi jomakatʼ bandhar sadomko leka eṭakʼkoren bạhu tulucʼ giticʼ midokʼ lạgitʼko hinhạuakokan tahẽkana.

Jirimiạ 7:11

Ińakʼ oṛakʼ do cetʼ ape ṭhen ḍạkukoakʼ dander hoyakana? Iń Probhu Isorgeń meneda, iń do noakoń ńeletʼgea.

Jirimiạ 29:31

“Am do sanam bondiko ṭhen niạ khobor kolme, Nehelamren Semaya reaṅ Probhu Isore meneda, ‘Semaya do bạń kol akadea, enhõ uni do ape ṭhen nạbiye udugokʼ kana ar eṛe kathateye pạtiạu ocoakatʼpea.

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”