Jirimiạ 29:20 - সান্তালী বাইবেল

²⁰ “Ona iạte ape bondi akanko, okoe do Jerusalem khon Babelteń kolakatʼpe, ape sanamge ińakʼ katha ańjompe.

Jirimiạ 29:20 Referans Kwoze

Jirimiạ 24:5

“Iń Israelkoren Probhu Isorgeń meneda, Jihudạren okoe do nonḍe khon Babel disạmte bondikateń kol akatʼko onko do noa bhage loa lekageń bujhạuetʼkoa.

Mikạ 4:10

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.

Jeheskel 3:15

Bondi akan okoeko hoṛ do Kebar gaḍa ṭhenakʼ Tel-Abibreko tahẽkan onko ṭhen iń doń calaoena. Ar okareko tahẽkan onḍe onko talare iń do eae din hape akaniń tahẽyena.

Jeheskel 3:11

Am do ńitokʼ bondi dosare menakʼko amakʼ disạmren hoṛko ṭhen senkate galmarao akome. Onkoko ańjomtam ar bako ańjomtam, am do Probhu Isorakʼ katha onko galmarao akome.”

Jirimiạ 29:31

“Am do sanam bondiko ṭhen niạ khobor kolme, Nehelamren Semaya reaṅ Probhu Isore meneda, ‘Semaya do bạń kol akadea, enhõ uni do ape ṭhen nạbiye udugokʼ kana ar eṛe kathateye pạtiạu ocoakatʼpea.

Jeheskel 11:9

Iń do nagraha khon okoń laga ńirkote bidisiạkoakʼ tireń soprotkoa ar apeń sạjạipea.

Jirimiạ 29:1

Bondiko modre sarecʼ akan murubbiko, naekeko, nạbiko ar eṭakʼ sanam hoṛko Nebukadnesar raj do Jerusalem khon bondikate Babelteye idiletʼko onko ṭhen Jirimiạ do Jerusalem khon mitʼṭecʼ ciṭhiye kolkeda.

Jirimiạ 29:2

Ar Jekoniạ raj ar uniren eṅgat, rajkạmiyạko, Jihudạ ar Jerusalemren mukhiyạko, kạrigolko ar kamarko Jerusalem khon bondikate idiko tayom noa ciṭhi do ol hoylena.