Jirimiạ 29:19 - সান্তালী বাইবেল

¹⁹ Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 29:19 Referans Kwoze

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Jirimiạ 25:8

“Ona iạte phạdkoren Probhu Isore meneda, ‘ape do ińakʼ katha bape ańjomletʼtińạ.

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.