Jirimiạ 29:17 - সান্তালী বাইবেল

¹⁷ “Iń phạdkoren Probhu Isor do onko upạrte lạṛhại, akal ar mahamạriń kola ar onko do hirkhạwakʼ loa lekań hoyocokoa one ona do bạṛicʼ iạte celege bako jom daṛeakʼ.

Jirimiạ 29:17 Referans Kwoze

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Luk 21:23

Unre bhạrti hoṛmoanko ar okoe do gidrạko nunuako kan onkore do hae hae! Unre dhạrtire do maraṅ dorloe hoyokʼa ar Jihudiko cetanre Isorakʼ sạjại pheḍ hijukʼa.

Luk 21:11

Ạḍi ãṭ dhạrti laṛao hoyokʼa ar jaega jaegakore akal ar mahamạriko hoyokʼa. Ona chaḍa sermare nonkan ghoṭnako hoyokʼa ar cinhạko ńelokʼa, oka do ạḍi botorge.

Jirimiạ 52:6

Ar ponakʼ cando reakʼ areakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Jirimiạ 27:8

“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,