Jirimiạ 29:13 - সান্তালী বাইবেল

¹³ Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Jirimiạ 29:13 Referans Kwoze

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

Sereńko 119:58

Iń do mon murukkate amakʼ dayań khojokʼ kana; amakʼ katha leka ińre baṛe dayakʼme.

2 Bõsbudạ 22:9

Ona tayom uni do Ahasiạ sendraye lạgitʼe oḍokena. Ahasiạ do unre Samariạreye oko akan tahẽkana ar hoṛko do uniko sapʼkedete Jehu ṭhen idikateko gocʼkedea. Arko topakadea, ente onkoko metade tahẽkana, “Nui do Jehosaphat ren goṛomtetʼ koṛa kanae uni do goṭa ontorte Probhu Isorakʼ sana lekae calakʼkan tahẽkan.” Ar Ahasiạwakʼ bõsre raj hoyokʼ leka ektiạri do okoeyakʼge baṅ tahẽkana.

2 Rapajko 23:3

Raj do tham khunṭi aṛere teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanam katha manao lạgitʼ Probhu Isor samaṅreye gokʼana. Unre sanam hoṛko hõ raj sãote inạgeko gokʼana.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Sereńko 119:69

Bạḍạiko do eṛeakʼte ińko esetʼ ạcur akadińạ menkhan iń do mon muruk kate amakʼ ạn ạrikoń senakʼkana.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

Sereńko 32:6

Ona iạte tinạkʼ din ạt menakʼ unạkʼ din amko botoramkan hoṛ do am ṭhenko koejoṅ ma; sạrige, muhin do banbạsi dakʼleka tinre hijukʼa unre ona do onko baṅ paṛao akoa.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Sereńko 145:18

Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Jirimiạ 50:4

Onako dinre ar ona jokhecʼ Israel ar Jihudạren hoṛko do mitʼteko hijukʼa ar rakʼ rakʼteko hijukʼa ar onkoren Probhu Isorko ńam baṛayea.