Jirimiạ 29:12 - সান্তালী বাইবেল

¹² Unre ape do ińpe hohowạńạ ar iń ṭhen hecʼkatepe koejoṅa; ar iń do apeakʼ iń ańjomtapea.

Jirimiạ 29:12 Referans Kwoze

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Jeheskel 36:37

Ona tayom Probhu Isor do ińe metadińa, “Iń do ar mitʼ dhao Israel jạtrenko iń ṭhen nehõrokʼ iń metakoa ar onkoakʼ nehõrokʼakʼ lekate bhiḍi palko leka onkoren hoṛko alekhań hoyocokoa.

2 Bõsbudạ 6:38

Ona disạmre mon ar ontorte am secʼko ạcur ruạṛokʼ ar okaṭakʼ disạm onkoren hapṛamkom emakawatʼko ona disạm secʼ, amem bachao akawan nagraha secʼ, am lạgitʼ iń benao akatʼ niạ oṛakʼ secʼ samaṅkateko koejoṅ,

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Jobakʼ 22:27

Uni ṭhenem aroja ar uni do onae ańjomtama, ar amakʼ sanam manotteakʼ em purạutama.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jirimiạ 50:4

Onako dinre ar ona jokhecʼ Israel ar Jihudạren hoṛko do mitʼteko hijukʼa ar rakʼ rakʼteko hijukʼa ar onkoren Probhu Isorko ńam baṛayea.

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.