Jirimiạ 28:4 - সান্তালী বাইবেল

⁴ Ona chaḍa iń do Jehoyakim hopon Jihudạren raj Jekoniạ ar Jihudạren eṭakʼ bondiko okoe do Babelteko senakan onko hõ niạ jaegateń ruạṛ ạgukoa, ente Babelren rajakʼ arãṛ doń rạputʼ giḍiytaea. Iń Probhu Isorge niạ katha doń meneda.’ ”

Jirimiạ 28:4 Referans Kwoze

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Jirimiạ 28:2

Israelkoren Isor phạdkoren Probhui meneda, ‘iń do Babelren rajakʼ arãṛ iń rạpudtaea.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

Nạhum 1:13

Ńitokʼ do amakʼ taren khon onkoakʼ arãṛiń rạputʼ giḍikakʼa ar amakʼ tol koń topakʼ giḍikakʼa.”

Jirimiạ 30:8

“Iń phạdkoren Probhu Isorgeń meneda, enhilokʼ iń do onkoakʼ taren khon arãṛiń rạputʼ giḍikatakoa ar onkoakʼ tolkoń topakʼ giḍikakʼa; bidisiạko ar do golam menkate bako dohokoa.

Jirimiạ 28:10

Inạ tayom Hananiạ nạbi do Jirimiwakʼ taren reakʼ arãṛe rạputʼkeda.

Jirimiạ 24:5

“Iń Israelkoren Probhu Isorgeń meneda, Jihudạren okoe do nonḍe khon Babel disạmte bondikateń kol akatʼko onko do noa bhage loa lekageń bujhạuetʼkoa.

Jirimiạ 22:10

Gocʼ akan raj lạgitʼ do alope rakʼ homora; ona khon bickom bondikate okoe sạṅgińteye idi ocoakan uni lạgitʼ rakʼ homorpe, ente uni do tishõ ar bae ruạṛ hijukʼa se acʼakʼ janam disạm hõ ar bae ńelńama.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Genesis 27:40

Amakʼ tarwaṛegete jiwetʼem tahena, ar am do bokomren gutim hoyokʼa. Menkhan khạtirjoma tinre bam tahẽ daṛeakʼa unre am do amakʼ taren khon uniyakʼ araṛem giḍikakʼa.”

Jirimiạ 27:8

“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

2 Rapajko 24:14

Ona chaḍa Jerusalemren sanamko, metakʼme sanam gutiko ar lạṛhại birko, sanam kạrigolko ar kamarko jotote uni do gel hajar hoṛe bondi idiketʼkoa. Disạmren reṅgecʼ hoṛ chaḍa ar celege bako sarecʼ lena.

Jirimiạ 13:19

Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”

Jirimiạ 29:1

Bondiko modre sarecʼ akan murubbiko, naekeko, nạbiko ar eṭakʼ sanam hoṛko Nebukadnesar raj do Jerusalem khon bondikate Babelteye idiletʼko onko ṭhen Jirimiạ do Jerusalem khon mitʼṭecʼ ciṭhiye kolkeda.

Jirimiạ 29:2

Ar Jekoniạ raj ar uniren eṅgat, rajkạmiyạko, Jihudạ ar Jerusalemren mukhiyạko, kạrigolko ar kamarko Jerusalem khon bondikate idiko tayom noa ciṭhi do ol hoylena.