Jirimiạ 28:11 - সান্তালী বাইবেল

¹¹ Ar sanam hoṛkoe metatʼkoa, “Probhu Isore meneda, ‘nonkage iń do bar bochor bhitrite sanam jạtrenkoakʼ taren khon Babel raj Nebukadnesarakʼ arãṛ iń rạputʼ giḍiya.’ ” Unre Jirimiạ nạbi do onḍe khone calaoena.

Jirimiạ 28:11 Referans Kwoze

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Kạhtukko 14:7

Bebuj hoṛ ṭhen khon calao joṅme, ente uni khon bidiạ reakʼ katha do bam ńama.

Jirimiạ 29:9

Onko do iń ńutumte eṛe kathako roṛeda. Iń Probhu Isor do onko bạń kol akatʼkoa.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

2 Bõsbudạ 18:10

Unre Kenanren hopon Sedekiạ do mẽṛhẽtʼ reakʼ dereńe benaokan tahẽkana uni doe menkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

1 Rapajko 13:18

Uni nạbiye roṛ ruạṛkeda, “Iń do am lekan mitʼṭen nạbi kangeạń. Probhu Isorakʼ katha leka mitʼṭen dut do ińe men akawạdińa jemon ińakʼ oṛakʼteń ruạṛ idime jemon am do senkatem jom-ńũ daṛeakʼ.” Menkhan uni do eṛe kathae metadea.

Jeheskel 13:7

Onko do cetʼ eṛe dorson bako ńeleda ar eṛe gona-poṛa bako kạmiyetʼ kana? Onko doko meneda, iń do noa kathań meneda, menkhan iń do bạń roṛakada.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.