Jirimiạ 27:15 - সান্তালী বাইবেল

¹⁵ Probhu Isore meneda, ‘iń do onko bạń kol akatʼkoa. Onko do iń ńutumte eṛeyakʼko nạbiyeda. Ona iạte ape ṭhen okoeko nạbiyetʼ onko nạbi doń sạṅgińkoa ar ape sanamkogepe marao utạrokʼa.’ ”

Jirimiạ 27:15 Referans Kwoze

Jirimiạ 27:10

Onko do eṛeyakʼko nạbiya, onate ape do apeakʼ disạm khonpe sạṅgiń ocokʼa; iń do apeń laga ńirpea ar ape dope marao utạrokʼa.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Jirimiạ 29:9

Onko do iń ńutumte eṛe kathako roṛeda. Iń Probhu Isor do onko bạń kol akatʼkoa.

Jirimiạ 23:21

Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 20:6

Ar E Pashur, am ar am gharońjren sanam hoṛ do bondikate Babeltepe idi ocokʼa. Onḍe do amem gujukʼa arko topamea; ar amren okoeko gateko ṭhen nạbi lekate eṛe katham roṛakatʼ onko jotokoakʼ dosa hõ onkage hoyokʼtakoa.”

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 38:22

Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’