Jirimiạ 26:9 - সান্তালী বাইবেল

⁹ Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jirimiạ 26:9 Referans Kwoze

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 21:30

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Aposkạmi 6:14

Ale do noa katha roroṛle ańjomakadea, Nasaretren uni Jisu do noa mundile rạputʼ giḍiya ar Mose oka ạn-ạrikoe emakatʼbon onako hõe pheraoa.”

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Johan 8:20

Jisu do mundilreye cetʼakokan tahẽkan jokhecʼ dan samaṅokʼ jaegare noa doe metatʼkoa. Menkhan un hạbicʼ uniyakʼ okte do baṅ hoyakantae tahẽkante okoe hõ bako sapʼledea.

Mark 15:11

Menkhan maraṅ naekeko do disạm hoṛko uskạuketʼkoa jemon onko do Jisu bodolte Barabbako khoje.

Mathae 27:20

Menkhan maraṅ naekeko ar murubbiko do hoṛkoko rạmjạuketʼkoa jemon Barabbako khoje ar Jisu do goje reakʼ kathako roṛ.

Mathae 21:23

Jisu do arhõ mundilteye boloyena. Ar tinreye cetʼakokan tahẽkan unre maraṅ naekeko ar Jihudikoren murubbiko do uni ṭhen hecʼkateko menkeda, “Cetʼ ektiạrite noakom kạmikana? Ar okoe noa ektiạri doe emakatʼmea?”

Mikạ 2:6

Aperen nạbiko do aleko metalekana, “Noako katha do alope mena, ar niạko reaṅ jãhãn katha hõ alope roṛa, ente ale cetanre opoman do baṅ hijukʼa.”

Amos 5:10

Okoe do nagraha reakʼ phaṭokre behokakʼ upạrteye teṅgonkan uni dope hirkhạwaekana ar okoe sạriyakʼ kathakoe roṛetʼkan uni dope nihạ̃t edekana.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jesaea 29:21

Onko do eṛe kathate hoṛko dusikoa, nagraha reakʼ phaṭok duạrre okoe do bindusạnko secʼe tahenkan uni do pạsiko oḍaoae kana ar sạriyakʼreye tahenkan hoṛ do ạuṛiyakʼteko or ghańjeṛ edekana.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Aposkạmi 3:11

Uni kokoe hoṛ do Patras ar Johan tạkin bae bạgiyatʼkinạ. Ar hoṛko do Patrasakʼ kạmi iạteko hahaṛayente unkin ṭhenko ńir hecʼena.

Aposkạmi 5:12

Apostolko do hoṛko talare ạḍi lekan cinhạko ar hahaṛa kạmiko kạmikan tahẽkana; ar sanam biswạsikoge mundil reakʼ Solomonakʼ pinḍạre mitʼ ṭhenko jarwakʼkan tahẽkana.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Jirimiạ 32:3

ente Jihudạ raj Sedekiạ do noa katha menteye bondi ocoledea, “Am do noa katham nạbi akada, Probhu Isore meneda, ‘noa nagraha do Babel rajakʼ tireń soprota ar uni do noae hata.

Jirimiạ 33:10

“Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Jirimiạ 36:29

Ona chaḍa Jihudạren raj Jehoyakimem metaea, Probhu Isore meneda, ‘puthi jeretʼ giḍikateyem kulikana Jirimiạ do cedakʼ ona puthireye ol akada, Babelren raj do khạṭige hecʼkate noa disạme jarkhara ar manwa ar janwarkoe maraokoa?

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.