Jirimiạ 26:5 - সান্তালী বাইবেল

⁵ ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 26:5 Referans Kwoze

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’

Jirimiạ 7:25

Aperen hapṛamko Misor disạmko bạgiyatʼ tayom khon teheń hạbicʼ dinke din ape ṭhen ińren gutiko, metakʼme nạbikoń kolletʼkoa.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

2 Rapajko 9:7

Am do amren mạlik Ahabakʼ bõsem marao utạrtaea. Isebel do ińren gutiko, metakʼme nạbiko ar Probhu Isorren eṭakʼ eṭakʼ gutikoakʼ oka mãyãme joro ocoakatʼ ona reakʼ iń hala ruạṛaea.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 10:7

Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

Jirimiạ 29:19

Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.