Jirimiạ 26:21 - সান্তালী বাইবেল

²¹ Jehoyakim raj ar uniren sanam subedarko ar rajkạmiyạko tinre Uriạwakʼ kathako ańjomkeda unre raj do uni goje reakʼe kurumuṭukeda. Menkhan ona katha ańjomkate Uriạ do botorte Misor disạmteye dạṛkeda.

Jirimiạ 26:21 Referans Kwoze

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Mathae 14:5

Herod do Johan gojeye menjoṅkan tahẽkana, menkhan uni do hoṛkoe botoratʼkoa, ente Johan do mitʼṭen nạbi menteko manaoede tahẽkana.

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

Mark 6:19

Ona iạte Herodiạ do Johan cetanre ạḍi raṅgao tahẽkantaea. Ar uni do Johan gojeye menetʼ tahẽkana,

Mathae 10:39

Okoe acʼakʼ jiwi bańcaotae reakʼe monejoṅ uni do sạriyakʼ reakʼ jione adtaea. Menkhan okoe iń lạgitʼ acʼakʼ jiwiye adtae uni do sạriyakʼ reakʼ jione rukhiyạitaea.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Sereńko 119:109

Ińakʼ jiwi do jao ghuṛi cuputʼkateń calakʼkanre hõ, enhõ amakʼ hukum do bạń hiṛińa.

2 Bõsbudạ 24:21

Menkhan hoṛko do Sakariạ upạrteko soṛojontrokeda ar rajakʼ hukumte Probhu Isorakʼ baker racare dhiriteko tiń gocʼkedea.

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.