Jirimiạ 26:20 - সান্তালী বাইবেল

²⁰ Kiriyat-Jearimren Semaya hopon Uriạ do ar mitʼ nạbi hoṛe tahẽkana, uni do Probhu Isor ńutumteye nạbiyetʼ tahẽkana. Uni hõ Jirimiạ lekage noa nagraha ar noa disạm upạrte onkageye nạbileda.

Jirimiạ 26:20 Referans Kwoze

1 Samuel 7:2

Probhu Isorakʼ sinduk do Kiriat-Jearimre dohoyen tayom ḍher din do paromena, metatʼme bargel bochor paromena. Onako oktere Israelko do Probhu Isor ṭhen ruạṛ hijukʼ lạgitʼ jiwi do ragokʼkan tahẽkantakoa.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

1 Samuel 6:21

Ona tayom onko thoṛa hoṛkoante Kiriạt-Jearimren hoṛko ṭhenko roṛgotʼkada, “Philisṭiko do Probhu Isorakʼ sindukko ruạṛgotʼ akada. Ar pheḍ hijukʼte sinduk do ape ṭhen idipe.”

Josuạ 18:14

Ona tayom ona simạna do Bet-Horon dạkhin buru reakʼ pạchim secʼte senkate dạkhin secʼ ạcur calaoena ar Kiriot-Bakʼal, metakʼme Kiriot-Jearim hạbicʼ calao idiyena. Kiriot-Jearim do tahẽkana Jihudạ gusṭikoakʼ mitʼṭecʼ nagraha. Noa do hoyokʼ kana Benjamin gusṭirenkoakʼ pạchim senakʼ simạna.

Josuạ 15:60

Kiriat-Bakʼal, metakʼme Kiriat-Jearim ar Raba. Niạ barea nagraha ar ona aḍepase reakʼ atokoko ńamleda.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 36:19

Unre rajkạmiyạko do Barukko metadea, “Do, senkate okokokʼ ben, am hõ ar Jirimiạ hõ. Ar okoe hõ jemon aloko baḍae daṛeakʼ okare menakʼbena mente.”

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

2 Rapajko 23:37

Jehoyakim do acʼren hapṛamko lekage Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.