Jirimiạ 25:6 - সান্তালী বাইবেল

⁶ Ape do debotako alope pańjakoa ar sewa hõ alope sewawakoa; apeakʼ tite benaokʼ jiniskote iń do alope edre ocoyińạ. Ar baṅkhan bạń bhạlạipea.’

Jirimiạ 25:6 Referans Kwoze

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

2 Rapajko 17:35

Probhu Isor do Israelko lạgitʼ mitʼṭecʼ bondobose bandhao jokhecʼ noa hukume ematʼko tahẽkana, “Ape do cele deb debotage alope sewawakoa se alope ḍobokʼakoa ar alope sapʼsorakoa se onko ńutumte jãhãnakʼge alope samaṅa.

Dosar Biboron 6:14

Ape aḍepasere menakʼko eṭakʼ eṭakʼ jạtren debotako do alope pańjakoa,

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

1 Rapajko 14:22

Ar Jihudạren hoṛko do Probhu Isorakʼ mẽtʼre oka bạṛicʼakʼ kan onage kạmiko ehopʼena. Akoren hapṛamko khon hõ akoakʼ kại hotete Probhu Isorakʼ pit do arhõ bạ̃ṛtiko rakapʼ ocoketʼtaea.

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

Dosar Biboron 28:14

Teheń okako hukumiń emapekan, onako modre jãhãṭakʼ khon etom se końe secʼ senkate eṭakʼ Isorko secʼ alope ghańjeṛokʼa ar alope sewawakoa.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

Exodus 20:3

“Iń samaṅre eṭakʼ Isorko aloko tahentam ma.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jirimiạ 44:7

“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.