Jirimiạ 25:36 - সান্তালী বাইবেল

³⁶ Gukʼpikoakʼ rakʼ ar palren mukhiyạkoakʼ homor halaṅ ańjompe, ente Probhu Isor do onkoakʼ ạtiń ṭạnḍikoe nosṭo caba akatʼtakoa.

Jirimiạ 25:36 Referans Kwoze

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.

Jirimiạ 25:35

Gukʼpiko do dạṛ reakʼ upạige baṅ tahentakoa; gupikoren mukhiyạko hõ okatehõ bako sen daṛeakʼa.

Jirimiạ 25:37

Probhuakʼ jolokʼkan edre iạte sulukte perecʼ ṭạnḍiko do potit jumi leka tahena.

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.