Jirimiạ 25:32 - সান্তালী বাইবেল

³² Phạdkoren Probhu Isore meneda, “Ńelme, mitʼ jạtrenko khon ar mitʼ jạtrenko cetanre muhin do pasnao akana; dhạrti reakʼ ses simạnako khon mitʼṭecʼ birbão hoe do rakapʼakana.”

Jirimiạ 25:32 Referans Kwoze

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

2 Bõsbudạ 15:6

Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.

Jirimiạ 30:23

Ńelpe, Probhu Isorakʼ edre do birbão hoe leka oḍok hijukʼa, ar lagakan hoe leka one dusṭạmikoakʼ bohokʼ cetanre pheḍ hijukʼkan.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Luk 21:25

“Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Luk 21:10

Ona tayom Jisui metatʼkoa, “Mitʼ jạtrenko do eṭakʼ jạtrenko upạrte, ar mitʼ rajosṭi do eṭakʼ rajosṭi upạrteko lạṛhạiya.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Jirimiạ 6:22

Probhu Isor do noa kathae meneda, “Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko udgạu ocokʼkana.

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”