Jirimiạ 25:31 - সান্তালী বাইবেল

³¹ Dhạrti reakʼ ses simạnako hạbicʼ ona reakʼ saḍe do ańjomokʼa, ente Probhu Isor do jạt jạtrenko upạrte mamblae ạguiya. Uni do sanam manwae bicạrkoa ar dusṭạmi hoṛ do tarwaṛeteye gocʼkoa.’ ”

Jirimiạ 25:31 Referans Kwoze

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Mikạ 6:2

E buru-ḍuṅgriko, ape do Probhu Isorakʼ aroj ańjompe; E dhạrti reakʼ jaejug rehetʼko apehõ ańjompe. Noa reakʼ karon do uniren hoṛko upạrte Probhu Isorakʼ mementeakʼ menakʼtaea; uni do Israelko upạrte mitʼṭecʼe mambla akada.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Jesaea 34:8

Niạko hoyokʼa, ente Probhu Isor do hala hạli reakʼ mitʼṭecʼ din menakʼtaea, Sion secʼ khon sạjại emokʼ reakʼ mitʼṭecʼ oktege menakʼa.

Jeheskel 38:22

Iń do mahamạri ar mãyãmte Gogiń sạjạiyea; botoranakʼ dakʼ, arel ar jolokʼkan gondhok do uni cetanre, ar uniren lạṛhại phạdko cetanre ar uni soṅgeten sanam jạtrenko cetanreń upʼ gotʼkakʼa.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Jesaea 33:3

Amakʼ aṛaṅ ańjomte hoṛ doko ńir pharakokʼa; amem rakapʼlenre onko doko chirchạturokʼa.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.

Jeheskel 30:3

Mitʼṭecʼ botoranakʼ dinge hijukʼkana, ente Probhu Isorakʼ din do seṭerakana; ona do rimilte danaṅ esetʼ akan din ar boṅgan hoṛ jạtrenkoakʼ mucạtʼ okte kana.