Jirimiạ 25:29 - সান্তালী বাইবেল

²⁹ Ńelpe, ińakʼ nagrahage pạhilteń marao giḍikakʼ lạgidokʼ kana, enḍekhan ape do cetʼ begor sạjạitepe tahena? Sạjại dope ńamgea, ente dhạrtiren sanam hoṛko upạrte iń do lạṛhạiyiń ạguakada. Iń phạdkoren Probhu Isorge noa katha doń meneda.’

Jirimiạ 25:29 Referans Kwoze

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

Jeheskel 38:21

Ińakʼ disạm reakʼ sanam buruko cetanre Gog upạrte lạṛhạiyiń ạguiya. Mitʼke mitʼ manwawakʼ tarwaṛe do acʼren boeha upạrte tahentaea.

Kạhtukko 11:31

Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

1 Rapajko 8:43

enḍekhan amakʼ tahen ṭhạ̃i khon ańjomtaeme. Ar uni okae khoj uni lạgitʼ ona baṛe onkaeme jemon dhạrtiren sanam hoṛko baḍae daṛeam ar amren hoṛko leka onkohõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

Obodiạ 1:16

Ińakʼ sonot burure cetʼleka bubulakʼem ńũletʼ onkage sanam jạtrenko do jaoge ińakʼ edre reakʼ bubulakʼko ńũiya; onko do ona jojomtegeko tahena ar purạteko caba utạrokʼa.

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Luk 23:31

Dare hạriạ̃ṛ tahenregeko nonkayetʼ khan, enḍekhan dare rohoṛlenre do cetʼ jãhãnakʼ bako cekaea?”

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Jeheskel 14:17

“Iń do ona disạm upạrte tarwaṛe ạgukateń men, ‘disạm reakʼ sanam ṭhạ̃ire lạṛhại hoyokʼma,’ ar iń do onaren hoṛko ar janwarkoń gocʼko.

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Jirimiạ 30:11

Am são sãotege minạńa ar iń do amgeń bańcaomea. Okoe jạtrenko talare amiń chirchạturletʼme onko doń marao utạrkoa, menkhan apeko do purạte do baṅa. Menkhan begor sạjạite hõ bạń aṛakʼpea, iń do dhoromte bicạrkateń ḍanṭaopea.”

Jirimiạ 13:13

Enḍekhan onkom metakoa, Probhu Isore meneda, ‘okoe niạ disạmreko girobasokʼ kan, metakʼme Dạudakʼ siṅghạsonre duṛupʼ akan sanam rapajko, naekeko, nạbiko ar Jerusalemre girobasokʼ kan jotoge iń doń bul ocokoa.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Kạhtukko 17:5

Okoe hoṛ reṅgecʼkoe nisṛạuko uni do onkoren sisirjạuicʼe henostawae kana; Okoe eṭakʼkoakʼ muhinreye rạskạkʼkan uni do sạjạiye ńamgea.

Kạhtukko 11:21

Khạṭigepe baḍaea bedhorom hoṛko do sạjạiko ńamgea, menkhan dhorom hoṛ doko bańcaokʼa.

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.